Maraqlı

“Aşk-ı Memnu”nun çəkildiyi villa muzeyə çevrildi - FOTO

25 Yanvar 2021 16:55
Baxış: 829

Türkiyənin məşhur "Aşk-ı Memnu" serialının çəkildiyi tarixi villa muzeyə çevrilib.

Milli.Az qafqazinfo-ya istinadən xəbər verir ki, Kanal D ekranlarında görünən, xəyanət, sevgi və qalmaqala "şahidlik edən" malikanədə bir neçə gündür xalça və kilimlər sərgilənməyə başlayıb.

Serial pərəstişkarları da bunu fürsət bilərək İstanbulun Sarıyer ərazisində yerləşən muzeyi ziyarət etməyə başlayıblar. Muzeyin villada fəaliyyət göstərməsini təqdir edənlərlə yanaşı tənqidi fikirlər də səsləndirənlər olub. Belə ki, bir çox mədəniyyətşünas və sosial şəbəkə istifadəçiləri mülkün muzey üçün yararsız olduğunu, sözügedən məkanın populyarlığından istifadə olunaraq belə addım atıldığını bildiriblər.

Qeyd edək ki, serial 2008-ci ildə Kanal D-də yayımlanıb. Beren Saat, Kıvanç Tatlıtuğ, Nebahat Çehre, Hazal Kaya, Selçuk Yöntem kimi ulduzların yer aldığı ekran işi Halit Ziya Uşaklıgilin əsərindən bəhrələnərək çəkilib. İki sezon, 79 bölümdən ibarət, romantik-dram janrında çəkilən serialın final səhnəsi 73,7 faiz insan tərəfindən izlənilib.

Layihə Balkan yarımadası, Latın Amerikası, Uzaq Şərq, Avropa və MDB ölkələrinə satılıb, Rumıniya və İspaniyada lisenziyalı şəkildə yenidən çəkilərək yayımlanıb.

Milli.Az

Məqaləyə dair fotomateriallar:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.