Maraqlı

Türk professor koronavirusun dərmanını hazırladı

22 Yanvar 2021 21:33
Baxış: 1 910
VTB-də minimal faiz dərəcəsi ilə nağd kredit 9.9%-dən

Quersetin və C vitamini (QC) birləşməsi COVID-19-dan qorunmaq üçün peyvənd qədər effektiv ola bilər.

Milli.Az xəbər verir ki, Türkiyənin Sağlamlıq Elmləri Universitetinin Qidalanma və Təhlükəsiz Qida Araşdırma Mərkəzinin sədri Həsən Önal tədqiqat aparıb. O bildirib ki, virusun yoluxma riski yüksək olan səhiyyə işçiləri üzərində aparılan klinik tədqiqatlar QC əlavələrinin uzunmüddətli və müntəzəm istifadəsinin xəstəliklərdən qorumaq gücünə malik olduğunu göstərib.

71 tibb işçisinə 2 bölünmüş dozada quersetin və vitamin C (QC) vurulub. Heç bir dərman vurulmayan 42 tibb işçisi isə profilaktik məqsədlərlə izlənilib. 120 gündən sonra bütün iştirakçıların antikorları yoxlanılıb. Məlum olub ki, bu müddət ərzində QC vurduran 71 tibb işçisindən sadəcə 1 nəfər, 42 nəfərlik izləmə qrupundan isə 9 nəfər virusa yoluxub.

"COVID-19 infeksiyasından qorunmaq üçün tövsiyə olunan gündəlik quersetin dozası 1000 mq-dır. Lakin bir neçə gün ərzində 2000 mq istifadə etmək məsləhət görülür. Məhsulun uzunmüddətli istifadəsində ciddi əks təsiri olmasa da, hamilə qadınlar, süd verən analar, döş xərçəngi və ya böyrək xəstəliyi olan insanlar üçün uyğun deyil", - professor əlavə edib.

Həkim quersetinin COVID-19 virusunun hüceyrəyə yapışmasına mane olduğunu, immun reaksiyanı tarazlaşdırma qabiliyyəti ilə "sitokin fırtınası" riskini azaltdığını, damarın daxili divarını bərpa etdiyini, damarları genişləndirdiyini və laxtalanma əmələ gəlməsinin qarşısını aldığını deyib.

Quersetin nədir?

Flavonoidlər rəng verən bütün bitkilərdə rast gəlinən birləşmələrdir. Quersetin də bir çox meyvə və tərəvəzdə olan təbii flavonoiddir. Ürək-damar xəstəlikləri, xərçəng, astma və Altsheymer xəstəliyi riskini azaltmaq kimi bir sıra faydaları var. /medicina.az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.