Maraqlı

Apple nə vaxt 4 nanometrlik mobil prosessora keçəcək?

21 Noyabr 2020 19:40
Baxış: 545
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Apple şirkətinin iPhone 12 smartfonları 5 nanometrlik prosessor əldə etmiş ilk smartfonlar oldular. Trend Force analitik şirkətinin mütəxəssislərinin təqdim etdikləri hesabatda qeyd olunub ki, Apple şirkəti gələcək məhsulları üçün prosessorların istehsalı üzrə texnoloji prosesin təkmilləşdirilməsini planlaşdırır. Bununla yanaşı hesabatda şirkətin nə zaman 4 nanometrlik mobil prosessorlara keçid edəcəyi barəsində məlumat da yer alıb.

Bu barədə Gizmochina saytı xəbər verib. Analitiklərin məlumatlarına əsasən Apple şirkəti hal hazırda tayvanın TSMC şirkəti ilə əlaqələrini genişləndirir. TSMC şirkəti isə N5P normaları üzrə Apple A15 Bionic mobil prosessorlarının istehsalı ilə məşğul olacaq. 5 nanometrlik texnoloji proses əsasında hazırlanacaq Apple A15 Bionic prosessorunun istehsalına gələn ilin üçüncü rübündə start veriləcəyi gözlənilir.

Bununla yanaşı güman olunur ki, 2022-ci ilə kimi Apple şirkəti TSMC ilə birlikdə 4 nanometrlik prosessorların istehsalına keçid edəcək. Beləliklə Apple A16 Bionic prosessorunun 4 nanometrlik texnoloji proses əsasında hazırlanacağı gözlənilir. Heç istisna deyil ki, bu dəyişiklik həmçinin Apple noutbukları üçün nəzərdə tutulmuş Apple M1 adlı ARM prosessor seriyasını da əhatə etsin.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.