Maraqlı

Elon Musk Starship Mars missiyasının 4 ilə başlaya biləcəyini düşünür

22 Oktyabr 2020 23:10

Baxış: 1 330

#TEXNOLOGİYA

SpaceX-in CEO-su məşhur milyarder Elon Musk Marsa ilk insansız Starship missiyasının 2024-cü ildə başlaya biləcəyini söyləyib.

Milli.Az ted.az-a istinadən bildirir ki, Musk Mars Cəmiyyətinin qurucusu Robert Zubrin ilə görüşündə "Məncə, ikinci Mars transfer pəncərəsini qurma şansımız var" deyib. Musk-ın bəhs etdiyi bu pəncərə Mars missiyası üçün hər 26 aydan bir ortaya çıxan fürsətdir. Bu çərçivədə NASA, Çin və Birləşmiş Ərəb Əmirlikləri bu ilin iyul ayında Marsda müəyyən missiyalara start vermişdi. Musk raketin irəliləməsi üçün qoyulan zamanın "tamamilə təxminlərdən ibarət olduğunu və dəyişə biləcəyini də vurğulayıb.

Yeni raket prototipi bu günə qədər 150 m-lik atılma sınağını uğurla başa vurub. Hazırda şirkətin Boca Chica South Texas müəssisələrində kosmik gəmi üçün inşaat işləri aparılır.

SpaceX 2022-ci ildə Starship-i Ay missiyası üçün də istifadə etməyi planlaşdırır.

Milli.Az