Maraqlı

Snapdragon 732G prosessoru təqdim edilib

3 Sentyabr 2020 23:45
Baxış: 1 851
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

Snapdragon 730G-dən sonra Qualcomm şirkəti onun daha təkmilləşdirilmiş versiyası Snapdragon 732G-ni təqdim edib. Təqdim edilmiş yeni prosessor mobil gamerlər üçün nəzərdə tutulub. Orta büdcəli smartfonlar üçün yaradılmış bu prosessor Snapdragon 730G-dən ilk növbədə yenilənmiş qrafik özəlliklər ilə fərqlənir. Qualcomm-un verdiyi məlumata əsasən yeni prosessorda olan Adreno 618 qrafik çipi mobil oyunların performanslarını 15% yüksəldir.

Bununla yanaşı Snapdragon 732G-nin mərkəzi prosessoru olan Kryo 470 Prime da təkmilləşdirilməyə məruz qalıb. Belə ki, mərkəzi prosessorun tezliyi 2.2 GHz-dən 2.3 GHz-ə kimi yüksəldilib. Bunlardan əlavə olaraq yeni prosessor həmçinin Snapdragon Elite Gaming-in bəzi özəlliklərini dəstəkləyir. Onların arasında Qualcomm Game Jank Reducer, True HDR, Vulkan 1.1 qrafik drayveri, HDR10 və HLG var.

Snapdragon 732G prosessoru Quad HD+ ekranlı smartfonlarda çalışmaq imkanına sahibdir. Prosessorda olan Snapdragon X15 LTE modemi isə Wi-Fi 6 ilə Bluetooth 5.1-i dəstəkləməklə yanaşı həmçinin 4-cü nəsil AI Engine prosessorunu və Hexagon 688 DSP-ni əldə edib. Sözügedən Snapdragon 732G-ni əldə edəcək ilk smartfon modeli isə Poco X3 olacaq. Qeyd etmək lazımdır ki, bu smartfon 7 sentyabr tarixində təqdim olunacaq.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.