Maraqlı

ABŞ iki hərbi təyyarədaşıyan gəmisini Cənubi Çin dənizinə göndərir

7 İyul 2020 22:45

Baxış: 1 158

VTB-də minimal faiz dərəcəsi ilə nağd kredit 9.9%-dən

#TEXNOLOGİYA

ABŞ Hərbi Dəniz Qüvvələri "USS Nimitz" və "USS Ronald Reagan" adlı iki hərbi təyyarədaşıyan gəmisini Cənubi Çin dənizinə göndərəcək.

Milli.Az ted.az-a istinadən bildirir ki, təlim məqsədli səfərdə təyyarədaşıyan gəmiləri bir neçə hərbi gəmi də müşayiət edəcək.

ABŞ gəmilərinin bu səyahəti Çin Xalq Azadlıq Ordusunun Cənubi Çin dənizində mübahisəli hesab olunan sularda hərbi təlim keçməsi ilə eyni vaxta təsadüf edir.

Çin ordusunun mübahisəli hesab olunan Parasel adaları yaxınlığında iyulun 1-də başlayan beşgünlük təlimlər Vyetnam və Filippinin, eləcə də ABŞ-ın sərt reaksiyasına səbəb olub.

Belə ki, Çinin Vyetnam, Filippin, habelə özünü müstəqil dövlət hesab edən Çinin Tayvan adası arasında Parasel adaları üzərində suverenlik məsələsi ilə bağlı mübahisələri var.

ABŞ açıq və örtülü formada adaların Çinə məxsus olmadığını, ümumiyyətlə, Pekinin Cənubi Çin dənizində hərbi fəaliyyətinin regionda gərginlik yaratdığını iddia edir. Pekin isə öz növbəsində, Vaşinqtonun bu ittihamlarını ciddiyə almayaraq, Cənubi Çin dənizindəki məsələlərə kənar dövlətlərin müdaxiləsini qəti rədd edir.

ABŞ-ın 2 hərbi təyyarədaşıyan gəmisinin Cənubi Çin dənizinə göndərilməsi həm də son vaxtlar Vaşinqton ilə Pekin arasında Honkonq və Sincan Uyğur Muxtar Bölgəsi ilə bağlı məsələlər də daxil olmaqla, Çinin qabaqcıl texnologiya şirkətləri olan Huawei və ZTE-yə Vaşinqtonun tətbiq etdiyi qadağa və məhdudiyyətlər, COVID-19 virusu ilə bağlı qarşılıqlı ittihamların yaşandığı gərgin bir dövrə təsadüf edir. Bəzi ekspertlər ABŞ ilə Çinin "soyuq müharibə"nin astanasında olduğunu, bir qrupu isə bu "müharibə"nin artıq başladığını bildirirlər.

Milli.Az