Maraqlı

Feysbuk daha bir sızıntı ilə gündəmdədir

28 May 2020 22:10

Baxış: 727

#TEXNOLOGİYA

Feysbuk dünyanın ən böyük sosial media platforması kimi xatırlanmaq əvəzinə skandallarla gündəmə gəlməyə başlayıb.

Milli.Az ted.az-a istinadən bildirir ki, platformada yer alan milyonlarla şəxsi məlumatın sızdırıldığı ortaya çıxıb.

Vyetnamda yerləşən serverlərdəki 12 milyon Feysbuk hesabının məlumatları sızdırılıb. Sızdırılan datalar arasında ad, doğum yeri, doğum tarixi, GPS detalları, istifadəçi adları və digər hesab məlumatları da yer alır.

Sızıntının gerçəkləşdiyi serveri qapadan Feysbuk rəsmiləri məsələ ilə bağlı hansısa açıqlama verməyiblər.

Təhlükəsizlik səviyyəsinin kifayət olduğunu hər fürsətdə vurğulayan Mark Zuckerbergin sözləri də bu sızıntılardan sonra öz dəyərini itirmiş kimi görünür.

Qeyd edək ki, bir neçə həftə əvvəl 267 milyon Feysbuk hesabının şəxsi məlumatlarını satmağa çalışan haker saxlanılıb.

Milli.Az