Maraqlı

Smartfonları düzgün dezinfeksiya yolu açıqlandı - Mütəxəssislərdən məsləhət

8 Mart 2020 15:42

1 Şərh Baxış: 1 121

VTB-də minimal faiz dərəcəsi ilə nağd kredit 10.49%-dən

#DÜNYADA #MARAQLI

İnfeksiyaya özünün mobil telefonundan yoluxmaq riskini istisna etmək üçün qurğunu yaxşıca dezinfeksiya etmək lazımdır, lakin bu zaman bəzi qaydalara riayət edilməlidir.

Milli.Az Oxu.az-a istinadən bildirir ki, mütəxəssislər mobil telefonu təmizləmək üçün ilk növbədə etil spirtindən, hidrogen peroksidindən və ya natrium hipoxloritindən istifadə etməyi məsləhət görmürlər. Bu məhlullar ekrana ciddi zərər vura bilər. Bunun əvəzinə ekspertlər qurğunu parçanı adi sabunlu suda isladaraq silməyi məsləhət görürlər. Smartfonu bu yolla təmizləməyi məhz "Google" və "Apple" mütəxəssisləri tövsiyə edirlər, lakin onlar bu üsulun virusların tam məhv edilməsinə zəmanət vermədiyini qeyd edirlər.

Mikrobioloq Çarlz Herba "Health" jurnalında bildirir ki, qurğular spirtin və suyun 40% və 60% nisbətində olan məhlulunda isladılmış salfetlə silinməlidir.

Digər üsul olaraq, smartfonun ekranının üstünə qoruyucu lent və ya şüşə yapışdıraraq, onu daha güclü məhlulla silmək olar. Zamanla isə bu örtüyü dəyişmək olar.

Milli.Az