Maraqlı

Duanın yerinə yetirilməməsi insana xeyir gətirə bilərmi?

25 Yanvar 2020 23:40
1 Şərh     Baxış: 1 037

Bəzən insan elə dua edir ki, onun xeyirinə olmaz. O hacəti dünyada ona verməzlər. Ancaq Qiyamət günü verərlər.

Bəndə deyər: "Allahım, bu nədir?".

Allah Təala buyurar: "Bu duanı dünyada olan zaman etmişdin və Biz də onu xeyirli hesab etmədiyimiz üçün, Qiyamət günü sənə veririk".

Təəccüb edər və deyər: "Nə qəribə! Kaş ki, mənim dualarımın heç biri yerinə yetməzdi. Onların hamısını indi mənə verərdilər. Bura daha yaxşıdır".

Çox zaman övladlar valideynlərinə deyərlər ki, mənə şirin bir şey verin. Ancaq o, axşam yeməyini yemədiyi üçün ona şirin şey verməyi faydalı hesab etməzlər. Çünki onlar uşaqlarını sevirlər və hətta özləri ac qalar, amma axırıncı tikəni övladlarına yedizdirərlər.

Bəzən də elə olur ki, uşaq bir şey istəyir, ancaq anası onun faydalı olmadığını görüb onu uşağına vermir. Misal üçün, fast-fud yeməklər uşaq üçün xeyirli deyildir. Ana da ona görə onu uşağa vermir.

Allah da bəndəsinə elə edir. Bəzən Ondan elə şeylər istəyirik ki, həmin şey bizim xeyirimizə deyildir. Ancaq biz bunu dərk etmirik.

Bunu yadda saxlamaq lazımdır ki, Allah o dualarımızı ki, yerinə yetirir - bizim faydamıza olan şeylərdir. O dualar ki, həyata keçməz - deməli bizim ziyanımıza ola bilər. Ona görə də narazı qalmaq lazım deyildir ki, Allah sərvəti birinə verib, o birisinə yox. Ya elmi birinə verib, o birisinə deyil. Allahın hər bir işdə hikməti vardır.

Eləcə də bizə verdiklərində və vermədiklərində.

Allah Təala bizlərə həqiqi təvəkkül nəsib etsin!

Milli.Az

loading...

Şərh yaz:

1 Şərh:

  • Anonim
    Şair Əmrah Almalı · 27 Yanvar 11:4710

    Onda mənə vergi verib Allah mən hek kimdən pul istəməsəm yaxşıdı .Lazım olsa pul da verər Allah odur ki səbirlə gözləyim

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.