Maraqlı

Qadının sosial şəbəkələrdən istifadə etməsi icazəlidirmi?

22 Oktyabr 2019 22:50

4 Şərh Baxış: 1 237

VTB-də minimal faiz dərəcəsi ilə nağd kredit 9.9%-dən

#DİN

Qadının sosial şəbəkələrdən istifadə etməsi öz-özlüyündə haram deyildir. Lakin bunu haram edən bəzi şərtlər və hallar vardır ki, qadın gərək onlara yol verməsin. Əvvəla, qadının naməhrəm şəxslərlə hər hansı qeyri-zəruri, şəxsi rabitə saxlaması yolverilməzdir.

Milli.Az islam.az-a istinadən bildirir ki, zəruri hallarda belə, qadının məhdudiyyətlərə riayət etməsi və zəruri həddi keçməməsi lazımdır. Çəx təəssüf ki, bəzən dindar qadınlar belə, sosial şəbəkələrdə naməhrəm insanlarla sərbəst rabitə yaradır, zarafat edirlər. Bu kimi hallar qətiyyən yolverilməzdir. Qadının sosial şəbəkədən istifadə etməsi zəruridirsə, öz profilini gözə çarpan, diqqət cəlb edən formada qeydə almamalıdır. Xüsusilə, öz bəzəkli şəkillərini profilə qoymaq, cəlbedici adlardan istifadə etmək qadına yaraşmaz. Ümumilikdə, qadın sosial şəbəkələrdən istifadə etmək zərurəti qarşısında qaldıqda¸ bunu son dərəcə ehtiyatla, düşünərək, öz qadınlıq məqamına və məhrəm şəxslərinin namusuna ləkə gətirmədən həyata keçirməyə borcludur.

Milli.Az