Rüşvət alaraq, hökm çıxarmaq - küfrdür

Hökm çıxartmaq - dünyanın ən çətin peşələrindən biridir. Çünki, həm dünyası bu hökmdən asılıdır və həm də axirəti. Əgər hakim öz hökmündə səhv edərsə, əbədi olaraq qarşı tərəfə borclu olar. Ona görə də Allah Təala xəbərdarlıq edir ki, bu peşə sahibləri öz qərarlarında ehtiyatlı olsunlar.

İslam dini adilcəsinə olmayan hökmü məhkum edir və Allah Təala onları kafir, zalım və fasiq adlandırır.

"Allahın nazil etdiyinin əsasında hökm etməyənlər - məhz onlardır kafirlər!" ("Maidə" 44).

"Allahın nazil etdiyinin əsasında hökm etməyənlər - məhz onlardır zalımlar!" ("Maidə" 45).

"Allahın nazil etdiyinin əsasında hökm etməyənlər - məhz onlardır fasiqlər!" ("Maidə" 47).

Hədislərə nəzər salaq:

Həzrət Peyğəmbər (s) buyurur: "Allah rüşvət alana və rüşvət verənə lənət etsin və o kəsə ki, hər ikisi arasında dəllallıq edər. Rüşvət almaqdan uzaq olun ki, bu əməl küfr kimidir və rüşvət yeyən şəxs İlahi rəhmətdən uzaqdır".

Həzrət Rəsulallah (s) buyurur: "O kəslər ki, insanların onların elminə ehtiyacı vardır, rüşvət istəyirlər - lənət olunarlar".

Həzrət (ə) başqa yerdə buyurur: "Zaman sahibinin başqalarından hədiyyə alması haramdır, dini hakimin və qazinin rüşvət alması küfrdür".

İmam Sadiq (ə) buyurur: "Hökm çıxardan zaman rüşvət almaq - Allaha küfrdür".

İmam Əli (ə) buyurur: "Keçmişdəkilər ona görə həlak olmuşdular ki, insanları haqqından etmişdilər. Onlar da (çarəsiz rüşvət ilə) onu alırdılar. Onları batilə və yanlışa vadar edirdilər. İnsanlar da onların ardınca gedirdilər".

Həzrət Peyğəmbər (s) buyurur: "Hədiyyə ağıllı və müdrik insanın gözünü kor edər". Bu hədisin mənası budur ki, rüşvət hakimin və ağıllı insanın həqiqətləri görməsinə mane olar və onu büdrədər.

Bəli, hakimin vəzifəsi insanların arasında haqqına hökm çıxardıb çətinliklərini ədalətlə həll etməkdir. Belə bir məsul insan heç kimdən hədiyyə və rüşvət almamalıdır. Çünki bu zaman qəlbinə vəsvəsə düşər və düzgün hökm çıxartmaz. Haqqı batildən ayıra bilməz. Şeytanın tələsinə düşər və qarşı tərəfə zülm etmiş olar.

Milli.Az