Çox yeməyin gətirdiyi ziyanlar

Həzrət Peyğəmbər (s) buyurur: "Çox yeməkdən çəkinin, çünki insanı daşürəkli edər və bədən üzvlərini İlahi vəzifələri yerinə yetirmək üçün süstlük və tənbəlliyə çəkər, canın qulağını moizə eşitməkdən saxlayar və kar edər". (Tebyan)

Bəli, həqəqətən də çox yemək insanın ürəyindəki qəsavəti artırar və bədənini süstləşdirər. İnsan tənbəllik etdiyi üçün ibadətlərini yerinə yetiməkdə həvəsli olmaz. Bu, aydın məsələdir ki, insan çox yemək yeyəndə namazlarını qəlb hüzuru ilə qıla bilməz. Əgər tox qarına yatarsa, sübh namazına dura bilməz, dursa da süst və məst halında olar.

Yeməkdə həddi qorumaq və aşmamaq elə mövzulardandır ki, bir çoxlarımız ondan qafilik. Bilmirik ki, insana nə qədər maddi və mənəvi ziyanlar vurur. Xəstəliklərimizin əksər hissəsi yeməkdə həddi aşmağımıza görə olur.

Milli.Az deyerler.org-a istinadən bildirir ki, insan bədəninə mikroblar dörd tərəfdən daxil olar: hava, yemək, su və dəridən. Onun qarşısını almaq üçün heç bir yol yoxdur. Dərimiz bədənimizi qoruyan möhkəm qaladır və əgər zədələnərsə, misal üçün qaşınarsa, biz onu qaşıyarıq. Bu zaman yaralanan dəridən bədənə çox sayda mikroblar daxil olar. Bundan başqa, əgər biz yağlı yeməkləri çox yesək, dəri qatımızda piy qatları meydana gələr və zibili xatırladar. Nə zaman zibil uzun müddət qalar, iylənməyə başlayar. Bu piy qatları da çox sayda xəstəliklər üçün zəminə yaradar.

İnsan bu yağları oruc tutaraq əridə bilər. Əgər bu yağlar cəzb olunmazsa, ürəyə güc düşər və işi artar. Bundan başqa, böyrəklərə təsir edər. O zaman ki, ürək və böyrək xəstə olar, insanın ömrü qısalar. Ona görə də hər kim sağlam olmaq istəyirsə, gərək çox yeməkdən çəkinsin.

Yuxarıdakı hədisdə oxuduğumuz kimi, çox yemək insan qəlbinin qəsavətini artırar. Bədən üzvlərini süst edər ki, insan istədiyi kimi ibadət edə bilməz. Bundan başqa, insanın moizə eşitmək üçün can qulağı kar olar və eşitməz. İnsan oruc tutan zaman qəlbi riqqətə gələr və mənəviyyatı güclənər. Ancaq o zaman ki, mədəsi dolu olar, insanın fikri düzgün işləməz və insan özünü Allahdan uzaq hesab edər. Əgər müşahidə etsəniz, görərsiniz ki, Ramazan ayında insanın moizə eşitməyə daha çox meyli və həvəsi olar. Çünki, aclıq insana qəlb səfası verər.

Beləliklə, deyə bilərik ki, çox yemək insana həm maddi və həm də mənəvi ziyanlar vurar. Ona görə də əgər həm cismi və həm də ruhi sağlam olmaq istəyiriksə, gərək yeməyimizdə etidala əməl edək.

Milli.Az