Maraqlı

İmam Baqirin həcci

10 Avqust 2019 21:55
0 Şərh     Baxış: 443

İmam Muhəmməd Baqir (ə) o zaman ki, Allah Evinin ziyarətinə gedər və həcci yerinə yetirərdi, dünya əlaqələrindən kamil şəkildə əlini üzərdü və Allaha tərəf meyil edərdi. Təvazö və bəndəliyin nişanəsini üzündən oxumaq olardı.

Milli.Az deyerler.org-a istinadən bildirir ki, İmam Baqirin (ə) xidmətçisi Əfləh nəql edir: "Mən İmam Baqirlə (ə) birlikdə həccə getmişdim və o zaman ki, İmam (ə) Məscidul-harama qədəm basdı, İmamın (ə) ağlamaq səsi ucaldı.

Həzrətə (ə) dedim: "Atam-anam sizə fəda olsun! İnsanların hamısı sizi gözləyirlər. Əgər ağlamaq səsinizi bir qədər aşağı salsanız, yaxşı olardı".

İmam (ə) mənim sözlərinə etina etmədi və buyurdu: "Vay olsun sənə, ey Əfləh! Mən ağlamaq səsimi ona görə ucaldıram ki, Allah mənə rəhmət nəzəri salsın və mən bu rəhmət nəzərinə görə Qiyamət günü xilas olum".

Sonra İmam (ə) Kəbə evini təvaf etdi və İbrahim (ə) məqamının arxasına keçib namaz qıldı. O zaman ki, namazı sona çatdı, gördüm ki, səcdəgahı göz yaşlarından yaş olmuşdur".

Həcc səfərlərinin birində hacılar Həzrəti (ə) dövrəyə almışdı. İmama (ə) həclə bağlı suallar verirdilər. İmam (ə) da onlara kamil şəkildə cavab verirdi.

İnsanlar İmamın (ə) cavablarından heyrətə gəlirdilər. İnsanların arasında bir nəfər soruşdu ki, bu insan kimdir? İmamın (ə) səhabələrindən bir nəfər ayağa qalxdı və dedi: "Agah olun, o, Peyğəmbər (s) elmini açan və yolları aşkar edəndir. O, ən yaxşı insandır ki, Nuh gəmisinin sərnişinlərindəndir. O, dəyərli Fatimeyi-Zəhranın (ə) övladıdır. O, Allahın yer üzərində qalmışıdır. O, varlıq aləminin sirdaşları olan Həzrət Muhəmməd (s) və Xanım Xədicənin (s.ə), Həzrət Əli (ə) ilə Xanım Fatimənin (s.ə) övladıdır. O, Allah dininin çırağını alovlandırandır".

Milli.Az

loading...

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.