Maraqlı

Telefon suya düşərsə nə etmək lazımdır?

11 İyun 2019 08:41
4 Şərh     Baxış: 3 062

Hər birimiz telefon alarkən ən keyfiyyətli, cibimizə uyğun və brend olan markaya üstünlük veririk. Nə qədər ehtiyatlı davransaq da, bəzən elə olur ki, telefon əlimizdən düşüb zədə alır. Təbii ki, əksər hallarda həmin telefon yenidən işləməyə davam edir. Amma suya düşən telefonları çox vaxt işlətmək demək olar ki, mümkün olmur. Telefonu suya düşən şəxslər onun arxasını açaraq fenlə, tozsoranla qurutmağa çalışırlar. Bu isə öz növbəsində telefonun müəyyən detallarına zərər verir və eyni zamanda suyun bütün detallara yayılmasına kömək edir.

"Telefon suya düşdyü halda nə etmək lazımdır?" - bir üsul təqdim edirik:

Telefonu söndürün. 

Milli.Az ted.az-a istinadən bildirir ki, telefon açıq olduğu təqdirdə içəri sızan su işləyən mexanizmin verdiyi istilik nəticəsində telefonun bütün detallarına yayılır. Bu səbəbdən tez bir zamanda telefonu söndürün və batareyanı çıxarın.

Təmiz dəsmal ilə qurulayın.

Telefonu söndürdükdən sonra təmiz bir dəsmal ilə qurulayın.

Telefonu ən xırda detallarına qədər ayırın.

Xırda detal deyərkən, yaddaş kartı, sim kart və bunun kimi telefondan çıxarılması mümkün olan bütün xırda detallar nəzərdə tutulur.

Pambıq və qulaq çöpü ilə qurulayın.

Ayırdığınız detalları pambıq və qulaq çöpü ilə qurulayın. Dəsmallar çox zaman toz buraxdığı üçün pambıqla qurulamaq daha məsləhətlidir.

Silika Geldən istifadə edin.

Paltar, çanta kimi məhsulları pas və kiflənmədən qoruyan bir maddədir. Çox zaman yeni aldığımız paltarların cibində olur. Telefonunuzu slika gel dolu bir qaba qoysanız, su dənəcikləri çox sürətli bir şəkildə çəkiləcək.

Və telefonun tam olaraq quruduğuna əmin olduqdan sonra sönülü vəziyyətdə enerjiyə qoşun. Telefonunuzun batareyası 100% dolduqdan sonra açılarsa, yarana biləcək problemlərin ehtimalı daha az olacaq.

Milli.Az

loading...

Şərh yaz:

4 Şərh:

  • Anonim
    Papatya · 11 İyun 08:4800

    Düyüye qoymaq da işe yarayir eşitmişdim.

    Cavab yaz
    • Anonim
      Fizuli Şirvanlı · 11 İyun 09:3300

      düyü yalnız nəmişliyi çəkə bilər, oda müəyyən vəzyətlərdə, amma telfonun içinə su keçdisə o mütləq açılmalıdı.

      Cavab yaz
      • Anonim
        Papatya · 11 İyun 10:0100

        Ola biler, ozum yoxlamamişam. Bir defe usaq bilmeden azaciq su dagitdi ustune, tez quruladim, qoruyucu ekrani vardi tebii ki. amma on kamera dumanli çekirdi, axşama kimi bele davam etdi. Sonradan duzeldi, keçdi getdi. Su dagilan kimi elimize tez feni aliriq. Amma o da zererlidir oxumuşdum hardasa.

        Cavab yaz
        • Anonim
          Fizuli Şirvanlı · 11 İyun 12:1600

          sizdə Telfonun içinə elə də su keçməyib onun üçün işiniz belə rahat olub, amma qalısız ən pisi fendi, su keçməyən yerlərə də suyu üfürüb isladır.

          Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.