Maraqlı

Cəfəri-təyyar kimdir?

17 Yanvar 2019 22:15

0 Şərh Baxış: 4 190

#DİN

Haqqında danışılan Cəfər Həzrət Mühəmməd Peyğəmbərin (s) əmisi Əbutalibin oğlu, İmam Əlinin (ə) böyük qardaşıdır. İslamı ilk qəbul edənlərdən biri olmuşdur. Müsəlmanlar Məkkədən Həbəşistana hicrət edəndə Peyğəmbər (c) Cəfəri onların başçısı təyin etmiş, Cəfər Həbəşistan hökmdarının rəğbətini qazanaraq, hicrət edənlərin orada azad yaşamasına nail olmuşdu. Həbəşistandan qayıtdıqdan sonra Cəfər 3 minlik qoşunun başında Bizans ordusu ilə döyüşə göndərildi. Mötə adlı məntəqədə 200 minlik Bizans ordusu ilə qeyri-bərabər savaşda şücaətlə döyüşən Cəfərin qollarını kəsib şəhid etdilər (hicri 8 - miladi 629-cu il).

Milli.Az islam.az-a istinadən bildirir ki, Peyğəmbərimiz (s) Cəfərin şəhadət xəbərini biləndə yaxınlarına başsağlığı verib buyurmuşdu ki, Cəfərin iki qolunu kəsdilər, amma Allah əvəzində cənnətdə ona iki qanad verdi. Bundan sonra Cəfərə "təyyar", yəni "(qanadları ilə) süzən, uçan" ləqəbini verdilər. Dini mətnlərdə də Cəfər ibn Əbutalib Cəfəri-təyyar kimi təqdim edilir. Peyğəmbər (s) ona müəyyən qayda ilə müstəhəb namaz qılmağı tövsiyə etmişdi, bu namaz Cəfəri-təyyar namazı kimi tanınır.

Cəfəri-təyyarın oğlu Abdullah Həzrət Zeynəbin əri olmuşdur.

Milli.Az