PUL
.jpg)
.jpg)
Zəncirbənd ilişdikdə ilk işimiz onu güclə çəkmək olur, lakin bu çox vaxt parçanın cırılmasına və ya zəncirbəndin tamamilə qopmasına səbəb olur. Bunun əvəzinə bu sadə vasitələrdən istifadə edin:
Milli.Az xəbər verir ki, əgər zəncirbəndinz metaldandırsa, bu, ən təsirli yoldur. Karandaşın ucundakı qrafit (qara hissə) təbii və quru yağlayıcı vəzifəsini yerinə yetirir.
Karandaşın ucunu ilişən hissədəki dişlərin hər iki tərəfinə yaxşıca sürtün. Zəncirbəndin başlığını yavaşca hərəkət etdirin; qrafit dişlərin arasına girdikdə zəncirbəndin rahatca sürüşdüyünü görəcəksiniz.
İstər plastik, istərsə də metal olsun, evdəki bərk əl sabunları bütün zəncirbənd tipləri üçün əla sürüşdürücüdür.
Quru sabun parçasını ilişən yerin üzərindən bir neçə dəfə keçirin. Sabun dişləri sürüşkən edəcək və ilişib qalan başlığı xilas edəcəkdir. İş bitdikdən sonra sabun qalıqlarını nəm dəsmal ilə silə bilərsiniz.
Əgər zəncirbənd çox inadkardırsa və heç cür tərpənmirsə, daha güclü bir yağlayıcıya ehtiyacınız var.
Bir qulaq çöpü vasitəsilə çox az miqdarda vazelini və ya köhnə dodaq balzamını ilişən nöqtəyə sürtün. Bu üsul xüsusilə paslanmış və ya oksidləşmiş metal zəncirbəndlər üçün idealdır.
Yağ ləkəsi qalmaması üçün vasitəni parçaya toxundurmamağa diqqət edin.
Zəncirbəndinz tez-tez ilişirsə, onu sadəcə açmaq üçün deyil, profilaktika üçün də şamdan istifadə edə bilərsiniz.
Ağ şamı zəncirbənd xətti boyunca sürtün. Şamın buraxdığı görünməz təbəqə sürtünməni qalıcı olaraq azaldır. Bu üsul xüsusilə qış çəkmələrinin zəncirbənd ömrünü uzatmaq üçün ən yaxşı yoldur.
Lalə Qüdrətova
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
_2475756.jpg)
.jpg)
.jpg)
