Maraqlı

20 ilin ər-arvadı bacı-qardaş çıxdı: uşaqları da var

21 Yanvar 2026 10:11

Baxış: 1 388

VTB-də minimal faiz dərəcəsi ilə nağd kredit 10.49%-dən

#DÜNYADA #MARAQLI #AİLƏ #BRAZİL

Braziliyada bir cütlüyün ailə hekayəsi qəfil şokedici bir fakta çevrilib. Təxminən iyirmi ilə yaxın birlikdə yaşayan və ortaq bir qız övladı böyüdən kişi və qadın, əslində doğma bacı-qardaş olduqlarını öyrəniblər.

Milli.Az xəbər verir ki, "Mirror" nəşrinin yazdığına görə, Adriana və Leandro uşaqlıqdan onları erkən yaşlarında tərk etmiş analarını tapmağa çalışıblar. Bu hekayədə hətta bir uyğunluq da olub: qəhrəmanların sözlərinə görə, hər iki qadının adı Mariya imiş.

Adriana keçmişini bərpa etmək üçün növbəti cəhdini televiziya vasitəsilə etməyə qərar verib. O, "Vaxt gəldi" adlı verilişə müraciət edərək qohumunu tapmağa və ailəsi haqqında heç olmasa nəsə öyrənməyə ümid edib.

Nəşrin məlumatına görə, məhz həmin vaxt onun müraciətinə bir qadın cavab verib və bildirib ki, onun Leandro adlı oğlu var. Bundan sonra aydın olub ki, aparılan axtarışlar barışığa deyil, əksinə, ər-arvadın bir-biri ilə qohum olduğunu üzə çıxarmağa gətirib çıxarıb.

Baş verənlərə baxmayaraq, cütlük rəsmi olaraq nikaha daxil olmayıb, lakin özlərini ər-arvad hesab edirlər. Bildirilir ki, Adriana və Leandro qan qohumu olduqları faktı müəyyənləşsə də, münasibətlərini pozmamaq və birlikdə qalmaq qərarına gəliblər.

Qeyd olunur ki, cütlüyün artıq ortaq planları var və onlar ayrılmaq niyyətində olmadıqlarını bildiriblər. /Lent.az

Milli.Az