Maraqlı

Xoşbəxt olmaq üçün lazım olan maaş məlum oldu

11 Yanvar 2026 00:35

Baxış: 15 559

VTB-də minimal faiz dərəcəsi ilə nağd kredit 9.9%-dən

#ƏMƏK HAQQI #MAAŞ

İllərdir müzakirə olunan "Pul xoşbəxtlik gətirirmi?" sualına elm adamları növbəti dəfə cavab axtarıblar. Aparılan yeni araşdırmalar nəticəsində insanların özlərini maliyyə cəhətdən rahat və xoşbəxt hiss etmələri üçün illik qazanmalı olduqları orta məbləğ müəyyənləşib.

Milli.Az xəbər verir ki, Purdue Universitetinin genişmiqyaslı araşdırmasına görə, insanın həyatdan tam məmnun olması üçün ideal illik gəlir orta hesabla 95 min dollar (təxminən 161 min manat) səviyyəsindədir. Lakin insanın sadəcə gündəlik emosional rifahını qoruması və özünü yaxşı hiss etməsi üçün 60 min ilə 75 min dollar arası məbləğ kifayət edir.

Regionlara görə rəqəmlər dəyişir
"Xoşbəxtlik həddi" yaşanılan ölkənin iqtisadi vəziyyətinə və həyat standartlarına görə fərqlənir:

İnkişaf etmiş ölkələrdə: Yaşayış xərcləri yüksək olduğu üçün xoşbəxtlik üçün tələb olunan məbləğ daha yuxarıdır.

İnkişaf etməkdə olan ölkələrdə: Daha az gəlirlə eyni xoşbəxtlik səviyyəsinə çatmaq mümkündür.

Araşdırmanın ən diqqətçəkən məqamı odur ki, gəlir müəyyən bir həddi (məsələn, 95 min dolları) keçdikdən sonra xoşbəxtlik səviyyəsi artmır, əksinə, azalmağa meylli olur. Bunun səbəbi kimi yüksək qazancın gətirdiyi ağır iş yükü, stress və sosial həyata vaxt ayıra bilməmək göstərilir. Başqa sözlə, ehtiyaclar qarşılandıqdan sonra əlavə pul insana eyni nisbətdə sevinc bəxş etmir.

Alimlər bildirir ki, pul əsas ehtiyacları qarşılamaq və təhlükəsizlik hissi yaratmaq üçün mühümdür. Lakin həqiqi və uzunmüddətli xoşbəxtlik üçün sosial münasibətlər, sağlamlıq və asudə vaxtın keyfiyyəti puldan daha önəmli faktorlara çevrilir.

Lalə Qüdrətova
Milli.Az

Milli.Az - Xəbər Portalı

Xoşbəxt olmaq üçün lazım olan maaş məlum oldu

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?