Pərdələri qar kimi ağardan təbii üsul: Cəmi bir məhsulla möhtəşəm nəticə

Pərdələr evdə gün işığına, toza, hava çirkliliyinə və mətbəx buxarına ən çox məruz qalan əşyalardır. Zamanla bozaran və ya saralan pərdələri ağartmaq üçün çox vaxt kimyəvi ağardıcılardan istifadə olunur. Lakin bu maddələr pərdənin liflərini zəiflədir və ömrünü qısaldır. Artıq kimyəvi vasitələrə ehtiyac qalmadı - evdə olan təbii məhsullarla pərdələrinizi ilk günkü kimi ağappaq edə bilərsiniz.

Pərdə parçaları havadakı toz zərrəciklərini, egzoz qazlarını, siqaret tüstüsünü və mətbəx qoxularını özünə çəkir. Hətta suyun tərkibindəki ərp (kirəclənmə) belə zamanla pərdənin rəngini bozardır. Yanlış yuyucu vasitə və yüksək temperaturda yuma da bu prosesi sürətləndirir.

Paltaryuyan Maşında Ən Praktik Ağartma Üsulu
Bu üsul həm qənaətcildir, həm də həssas parçalar üçün tamamilə təhlükəsizdir:

Sodanın Gücü: Pərdələri maşına yerləşdirin və hər zamankı yuyucu tozunuzu (deterjan) əlavə edin. Üzərinə 1-2 xörək qaşığı karbonat əlavə edin. Karbonat parçanın lifləri arasına yerləşmiş boz təbəqəni parçalayaraq rəngin açılmasını təmin edir.

Ağ Sirkə Möcüzəsi: Yumşaldıcı bölməsinə isə adi yumşaldıcı əvəzinə yarım stəkan ağ sirkə tökün. Sirkə yuyucu toz qalıqlarını təmizləyir, parçanı yumşaldır və pərdənin matlaşmasının qarşısını alır. Qorxmayın, sirkə qoxusu pərdə quruduqdan sonra tamamilə yox olur.

Pərdələri mütləq aşağı temperaturda (30-40 dərəcə), həssas rejimdə və aşağı dövriyyədə yuyun.

Əgər pərdələriniz həddindən artıq çirklidirsə, bu kiçik hiylələrdən də istifadə edə bilərsiniz:

Duzlu Su: Pərdələri yumadan əvvəl bir neçə qaşıq duz əlavə edilmiş ilıq suda bir saat saxlayın.

Limon Suyu: Maşının yuma bölməsinə yarım limonun suyunu əlavə etmək sarı ləkələri yox edir.

Ayrı Yuyun: Pərdələri rəngli paltarlar və ya dəsmallarla bir yerdə yumayın, çünki digər parçalardan çıxan liflər pərdəni bozarır.

Pərdələr yuyulandan sonra dərhal asılsa, öz çəkisi ilə düzəlir və əksər hallarda ütüləməyə ehtiyac qalmır.

Lalə Qüdrətova
Milli.Az