Maraqlı

Hindistana istirahətə gedən qadın infeksiyadan öldü

29 Oktyabr 2025 16:00
Baxış: 1 017
VTB-də minimal faiz dərəcəsi ilə nağd kredit 9.9%-dən
#HİNDİSTAN

Hindistana səfər edən Moskva sakini həyatını itirib.

Milli.Az xəbər verir ki, 63 yaşlı Tatyana adlı qadın həyat yoldaşı ilə birlikdə Uttar-Pradeş ştatında yerləşən qonaq evində qalırdı. Bir neçə gün öncə qadının səhhəti qəfildən pisləşib, o, nəfəs darlığından və güclü halsızlıqdan şikayətlənib.

O klinikaya yerləşdirilsə də, vəziyyəti ağırlaşıb və digər xəstəxanaya köçürülməsinə baxmayaraq, həyatını xilas etmək mümkün olmayıb.

İlkin ehtimallara görə Tatyana bağırsaq infeksiyasına yoluxub. Həkimlərin sözlərinə görə, o, son günlərdə yüksək hərarət və mədə-bağırsaq pozğunluğundan əziyyət çəkirmiş. Mütəxəssislər belə halların Hindistanda xüsusilə turistlər arasında geniş yayıldığını bildirirlər. Səbəb isə çox vaxt küçə yeməklərinin, çiy meyvə-tərəvəzin və qeyri-təmiz içməli suyun istifadəsi olur.

Qeyd edək ki, Hindistan tropik iqlimə malik ölkədir və burada bakteriyalar qidalarda sürətlə çoxalır. Bu səbəbdən həkimlər səfər edənlərə yalnız butulka su içməyi, yeməklərin yaxşı bişdiyinə əmin olmağı və küçə qidalarından uzaq durmağı tövsiyə edirlər.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.