Maraqlı

Yumurtalarda yeni dövr: Artıq bu şəkildə satılacaq

30 İyul 2025 08:45

Baxış: 3 600

VTB-də minimal faiz dərəcəsi ilə nağd kredit 9.9%-dən

#TÜRKİYƏ #QİDA TƏHLÜKƏSİZLİYİ

Türkiyə Kənd Təsərrüfatı və Meşəçilik Nazirliyi, yumurta israfının qarşısını almaq üçün yeni tənzimləmə tətbiq edib. Artıq yumurta etiketlərində "Son istifadə tarixi" yerinə "Tövsiyə olunan istifadə tarixi" yazılacaq. Süfrə yumurtalarının istehlak müddəti isə 21 gündən 28 günə uzadılıb.

Milli.Az Türkiyə mətbuatına istinadən xəbər verir ki, bu müddətdən sonra (28 gün) həmin yumurtalar süfrədə deyil, yalnız sənaye məqsədli yumurta məhsullarının istehsalında istifadə edilə biləcək.

Təlimata əsasən, "ekstra təzə" adı ilə satılacaq yumurtalar üçün əlavə şərtlər də tətbiq olunub. Bu kateqoriyaya aid yumurtaların yumurtlandığı gündən etibarən ən gec 4 gün ərzində təsnif edilməsi, işarələnməsi və qablaşdırılması məcburi olacaq.

"Son istifadə tarixi" ifadəsinin aradan qaldırılması ilə birlikdə vətəndaşlar yumurtanın təzəliyini yoxlamaq üçün praktik üsullara, o cümlədən su testinə üstünlük verirlər.

Ev şəraitində asanlıqla tətbiq olunan bu üsul belədir:

Geniş bir qaba soyuq su doldurun.

İstəyə görə 1 çay qaşığı duz əlavə edin.

Yumurtanı suya qoyaraq nəticəni müşahidə edin:

Dibə çökərsə: Yumurta təzədir.

Orta hissədə qalarsa: Təzəliyini itirməyə başlayıb.

Üzə çıxarsa: Köhnədir, istifadə edilməməlidir.

Bu üsul yumurtanı sındırmadan onun təzəliyini yoxlamağa imkan verir.

Lalə Qüdrətova
Milli.Az