Maraqlı

Güclü maqnit qasırğası xəbərdarlığı: Çox yaxında olacaq

18 Mart 2023 15:22

Baxış: 1 348

VTB-də minimal faiz dərəcəsi ilə nağd kredit 9.9%-dən

#HAVA

Mart ayı maqnit qasırğalarının müşahidə olunduğu aydır və bu dəfə də istisna olmayacaq. Mütəxəssislərin fikrincə, martın sonunda güclü geomaqnit qasırğası gözlənilir. Ən böyük qasırğanın martın 26-da baş verəcəyi və ayın 27-si daxil olmaqla davam edəcəyi proqnozlaşdırılır.

Milli.Az lent.az-a istinadən bildirir ki, martın 25-i geomaqnit sahəsinin sakit və K indeksi üzrə 2-ci səviyyəyə uyğun olacağı gözlənilir. Lakin vəziyyət martın 26-da dəyişəcək, güclü günəş alovlarının K indeksi üzrə 7-ci səviyyəyə çatacağı gözlənilir. Martın 27-də dalğalanmaların dinamikası yüksək səviyyədə davam edəcək.

Yalnız martın 28-dək maqnit qasırğaları səngiyəcək, geomaqnit aktivliyi isə aşağı düşəcək. Meteohəssas insanlar maqnit qasırğaları zamanı diskomfort hiss edə bilərlər və buna görə də bütün ehtiyat tədbirlərinin əvvəlcədən görülməsi tövsiyə olunur.

Belə dövrlərdə küçədə uzun müddət qalmamaq və intensiv fiziki fəaliyyətlə məşğul olmamaq daha yaxşıdır. Ən həssas insanlar və ürək-damar sistemində problemi olanlar bu günlərdə daha çox dincəlməli, mümkünsə hər hansı işdən, o cümlədən zehni işdən çəkinməlidirlər. Bu günlərdə bir gün istirahət etmək daha yaxşıdır. Həmçinin qadcetlardan və müxtəlif texniki cihazlardan, o cümlədən telefonlardan istifadə vaxtını məhdudlaşdırmaq tövsiyə olunur.

Milli.Az