Maraqlı

Brusellyoz

20 Sentyabr 2022 02:02
Baxış: 772
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Brusellyoz-uzun müddətli qızdırma ,hərəki-dayaq , sinir ,ürək damar və orqanizmin digər sistemlərini zədələnməsi ilə xarakterizə olunan kəskin və ya xroniki infeksiyon xəstəlikdir.
Brusellanın törədicisinin 6 müstəqil növü var.
Səbəbləri.
Brusellyoz tipik zoonoz infeksiyadır .Brusellyozla müxtəlif ev heyvanları - inəklər,donuzlar,qoyunlar və s. xəstələnirlər.İnsanın yoluxması xəstə hevanların doğuşu,yunun qırxılması zamanı , həmcinin yoluxmuş ət, süd,pendir və digər qida məhsullarından istifadə etdikdə baş verir.
Simptomları:
Əsas əlamətləri temperaturun yüksəlməsi , tərləmə ,baş ağrıları, tez yorulma , oynaqlarda ağrılar iştahanın pozulması və s. ibarətdir.
Brusellyoz üçün hepatolienal sindrom xarakterikdir . Qaraciyər və dalaq qabırğa qövsündən kənara çıxır, əllədikdə ağrılı və yumşaq olur.
Ağır hallarda və uzun müddətli xroniki gedişində ürək- damar sistemində dəyişikliklər qeyd olunur. Ürəyin hüdudları genişlənir , tonları karlaşır, bəzən ürəyin zirvəsində küy eşidilir.
Diaqnostika:
Brusellyozun diaqnozu kliniki,epidemioloji və laborator göstəricilər əsasında qoyulur. Xəstələrdə brusellaların tapılması diaqnozu təsdiq edir. Diaqnostikanın tezləşdirmək üçün əşya şüşəsi üzərində Xeddelson reaksiyası qoyulur. Bundan əlavə dəridaxili Bürne allergik sınağından geniş istifadə olunur. Bu sınaq spesifik hesab olunur .
Müalicəsi :
Kəskin dövrdə antibiotiklər 7-10 gün müddətində təyin olunur. Bununla yanaşı vaksinoterapiya aparılır. Bu məqsədlə öldürülmüş brusellyoz vaksinindən istifadə olunur. Vaksinoterapiya 8-10 infeksiyadan ibarətdir.
Profilaktikası:
Profilaktikası - tibbi sanitar veterenar və təsərüffat sahələrini əhatə edir. Xəstə heyvanlar aşkar olunmalı, iri və kiçik buynuzlu heyvanlarda brusellyoz əleyhinə vaksinasiya aparılmalı, heyvandarlıq təsərüffatı sağlamlaşdırılmalıdır.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.