Maraqlı

İstirahətə 5 min ödəyib, şoka düşüblər: "Biz cəhənnəmdəyik"

3 Avqust 2022 20:25
0 Şərh     Baxış: 1 059

Britaniyadan olan həyat yoldaşları "Tui" turizm şirkətindən Karib dənizində tətillərini korladığı üçün onlara 5 min funt sterlinq qaytarmağı tələb ediblər.

Milli.Az bildirir ki, bu barədə "Ekspress" xəbər verir.

Doun və Devid Brettin dediyinə görə, onlar Aruba adasına səyahət etməyi xəyal ediblər və yığdıqları pulları iki həftəlik səyahətə xərcləyiblər. Lakin turistlər oteldə məskunlaşanda məlum olub ki, otelin yanında tikinti gedib. Eyni zamanda, təmir işləri bazar ertəsindən şənbə gününə qədər səhər saat yeddidən günorta dördə qədər davam edib. "Biz cəhənnəmdəyik. Tətilimiz boyu döyəclədilər və qazdılar. Hovuz kənarında belə dincələ bilmədik", - Doun bildirib.

Britaniyalı qeyd edib ki, o, sakitləşdirici və baş ağrısı dərmanları içməli olub. Onun sözlərinə görə, əri ilə birlikdə daha əvvəl yola düşəcəkmiş, lakin turizm agentliyi onları fikrindən daşındırıb.

Nəşrin məlumatına görə, indi həyat yoldaşları korlanmış məzuniyyət üçün pulun qaytarılmasını tələb edirlər. Lakin turizm agentliyi səyahətçilərə kiçik tikinti işləri ilə bağlı xəbərdarlıq edildiyini əsas gətirərək bundan imtina edib. İngilislər iddia edirlər ki, tikintinin miqyasını təsəvvür etsəydilər, heç vaxt bu otelə getməzdilər. Doun və Devid bir neçə il əvvəl yaxınlıqdakı oteldə dincəldiklərini və istirahətdən çox razı qaldıqlarını deyiblər.

İrfan Vəliyev
Milli.Az

13,99%-dən 40 000 AZN-dək zaminsiz, komissiyasız KREDİT

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics