Maraqlı

Bu işlə məşğul olmaq Alzeymer riskini azaldır

13 Avqust 2022 23:30
0 Şərh     Baxış: 796
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Araşdırma 40-69 yaşlı iştirakçılar arasında aparılıb.

Xüsusilə yaşlı insanların ən çox qorxduğu Alzeymer xəstəliyi ilə bağlı Çində aparılan bir araşdırma, bağçılıq fəaliyyətinin xəstəlik riskini azaltdığını sübut edib.

Çinin Siçuan Universiteti və Böyük Britaniyanın "Biobank" şirkəti hazırda sağalmaz xəstəliklər sırasında olan Alzeymerlə bağlı birgə araşdırma aparıb.

Araşdırmalar nəticəsində bağçılıq fəaliyyəti ilə məşğul olanlar üçün Alzeymer xəstəliyinə tutulma riskinin xeyli aşağı olduğu müşahidə edilib.

Böyük Britaniyada yarım milyondan çox insana 11 il ərzində fiziki fəaliyyətləri haqqında sual verilib və nəticə təhlil edilib.

Çəmənləri suvarmaq, biçmək, qazmaq və alaq otlarından təmizləmək kimi bağçılıq işləri ilə müntəzəm məşğul olanlarda belə işlərlə daha az məşğul olanlara nisbətən demans ehtimalı 21 faiz az olub.

Müntəzəm olaraq üzgüçülüklə məşğul olan, velosiped sürən və ya əylənmək üçün gəzinti edənlərin demensiyaya tutulma ehtimalı 35 faiz aşağıdır.

Qeyd edək ki, araşdırma 40-69 yaşlı iştirakçılar arasında aparılıb.

"Neurology" jurnalında dərc edilən tədqiqtda yaş və spirtli içki qəbulu kimi faktorlar da nəzərə alınıb.

Alzeymer xəstəliyi üzərində işləyən Dr.Sara Imarisio bu barədə deyib: "Çalışmaq, sizi fiziki və sosial cəhətdən aktiv saxlayan bir iş tapmaq, fəaliyyətinizdən daha çox, sağlamlığınıza fayda verəcək".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.