Maraqlı

İnsanlarla necə rəftar edək?

2 Avqust 2022 23:50
0 Şərh     Baxış: 497

İnsanlarla necə rəftar etməklə bağlı Məsumlardın (ə) mübarək buyuruşlarına diqqət edək.

Əmirəl-möminin (ə) buyurur: "Peyğəmbər (s) buyurmuşdur ki, Allaha imandan sonra ağlın başlanğıcı - insanlara məhəbbətlərini bildirib, onlarla dost olmaqdır".

İmam Sadiq (ə) buyurur: "Hər kim Allaha görə qardaşı ilə görüşərsə, Allah Təala buyurar: "Mənimlə görüşmüsən və görüşməyinin savabı Məndəndir. Sənin üçün behiştdən başqa savaba razı olmaram"".

İmam Sadiq (ə) buyurur: "Həzrət İsa (ə) dostlarından bəzisinə buyurardı: "O şeyi ki, sənə qarşı etməklərini sevmirsən, başqalarına qarşı etmə"".

İmam Əli (ə) buyurur: "O zaman ki, qardaşınızla görüşürsünüz, əl verin. Onlarla gülərüzlə görüşün ki, bir-birinizdən ayrılan zaman günahlarınız bağışlansın".

İmam Əli (ə) buyurur: "Allah o müsəlmanı sevir ki, özü üçün istədiyini din qardaşı üçün də istəsin. O şeyi ki, özü üçün istəmir - başqası üçün də istəməsin".

Həzrət Peyğəmbər (s) buyurur: "Ən aqil insan o kəsdir ki, insanlara qarşı daha çox mehriban olar. Ən xar insan o kəsdir ki, insanlara xəyanət edər".

İmam Əli (ə) buyurur: "Qonşular sizə Allahın tapşırdıqlarıdır. Peyğəmbər (s) davamlı olaraq qonşuları o qədər tapşırardı ki, biz onların bizdən irs apardığını güman edərdik".

İmam Həsən (ə) buyurur: "İnsanlarla o cür rəftar et ki, səninlə o cür rəftar edilməsini sevirsən".

Milli.Az

13,99%-dən 40 000 AZN-dək zaminsiz, komissiyasız KREDİT

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics