Dünya

Yaponiyada 5,8 bal gücündə zəlzələ oldu

26 İyun 2026 09:23
Baxış: 343
VTB-də minimal faiz dərəcəsi ilə nağd kredit 9.9%-dən

Yaponiyanın mərkəzi hissəsində 5,8 bal gücündə zəlzələ qeydə alınıb.

Bu barədə ölkənin Milli Meteorologiya İdarəsi məlumat yayıb.

Bildirilib ki, yeraltı təkanların episentri Tokio ilə qonşu olan Çiba prefekturasında, 50 kilometr dərinlikdə yerləşib.

İlkin məlumata görə, zəlzələ nəticəsində tələfat və ya dağıntı qeydə alınmayıb.

Yeraltı təkanlardan dərhal sonra sunami təhlükəsi ilə bağlı xəbərdarlıq edilsə də, vəziyyət yenidən qiymətləndirildikdən sonra xəbərdarlıq bir neçə dəqiqə ərzində ləğv olunub.

Qeyd edək ki, zəlzələnin təsirləri paytaxt Tokioda da hiss edilib.

Müəllif: Malik Məlikov (Milli.Az redaktor)

Azernews Newspaper

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.