Hamiləlik dövründə appendisitin müalicəsi

Hamiləlik dövründə appendisit- qadının gestasiya zamanı, doğuş zamanı və ya onlardan dərhal sonra meydana gələn kor bağırsağın soxulcanabənzər çıxıntısının kəskin və ya xroniki iltihabıdır. Qarının sağ tərəfində yaranan tutmaşəkilli və ya daimi ağrılar, qızdırma, ürək bulanma və qusma kimi hallarla özünü göstərir. Fiziki müayinə, transabdominal ultrasəs,qan analizləri, təcili diaqnostik laparoskopiya ilə diaqnoz qoyulur.Müalicə: cərrahi yolla appendiksin çıxarılması, əməliyyatdan sonra ağırlaşmaların qarşısının alınması и ehtiyac olduqda hamiləliyin dayandırılması. Kəskin appendisit, hamilə qadınlarda ən çox görülən qarın cərrahi patologiyasıdır. Uşaq doğan qadınların 0.05-0.12% -də aşkar edilir. Hamiləlik dövründə appendikulyar prosesin iltihabı halları hamilə olmayan qadınlara nisbətən bir qədər yüksəkdir. Kəskin appendisit hallarının 19-32% -i 1-ci trimestrdə, 44-66% -i 2-ci trimestrdə, 15-16% -i 3-ü trimestrdə, 6-8% -isə doğuşdan sonrakı dövrə təsadüf edir.
Hamiləlik zamanı apendisit, bağırsaq lümenində yaşayan qarışıq mikrofloranın patoloji aktivləşməsi səbəbindən baş verir. Xəstəliyin törədiciləri müxtəlif bakteriyalardır (kokklar, bakteroidlər,stafilokoklar, enterokoklar və s). Hamiləlik dövründə appendisitin yaranmasına şərait yaradan bir sıra əlavə amillər var. Mədə şirəsinin turşuluğunun azalması, immun reaktivliyin pozulması, qəbizlik, kor bağırsaq və appendiksin yerdəyişməsi və s. Xəstəliyin proqnozu onun aşkar olunma vaxtı, hamiləliyin müddəti, əməliyyatın aparılmasına dair qərarın qəbul olunma vaxtı və əməliyyatdan sonrakı dövrdə hamiləliyin düzgün aparılmasından asılıdır. Müalicə nə qədər gec başlanırsa, uşağı itirmə və appendisitin fəsadlaşma ehtimalı bir o qədər yüksək olur. Hestasiya müddətinin artması ilə hamilələlərin ölmə ehtimalı çoxalır, 20-ci həftədən sonra hamiləliyin pozulma tezliyi 5 dəfə yüksəlir. Appendisitinın ilkin profilaktikasının tam işlənilməməsinə baxmayaraq, hamiləlik dövründə həzm prosesini yaxşılaşdırmaq və qəbiz hallarının qarşısını almaq üçün pəhrizin korreksiyası, normal qidalanma, kifayət qədər hərəki aktivlik, mədə-bağırsaq xəstəliklərinin vaxtında müalicəsi məsləhət görülür. Qarında qəflətən baş verən qeyri-adi ağrılar zamanı xəstə dərhal müayinəyə aparılmalıdır.

Milli.Az