Hadisə

Narkotikə görə saxlanılan şəxsin şöbədə halı pisləşdi, öldü

3 Avqust 2021 09:22
1 Şərh     Baxış: 1 642

Siyəzən rayonunda narkotik vasitələrin qanunsuz dövriyyəsində şübhəli bilinərək saxlanılan şəxsin polis şöbəsində halı pisləşib və yerləşdirildiyi xəstəxanada vəfat edib.

DİN Mətbuat xidmətinin şöbə rəisi, polis mayoru Elşad Hacıyev qafqazinfoya açıqlamasında bildirib ki, avqustun 2-də Siyəzən Rayon Polis Şöbəsinin əməkdaşları tərəfindən keçirilmiş əməliyyat tədbirləri zamanı narkotik vasitələrin alqı-satqısında şübhəli bilinən rayon sakini, 1990-cı il təvəllüdlü Tural İsmayılovdan metamfetamin aşkar olunaraq götürülüb: "Həmin şəxs Siyəzən RPŞ-yə gətirilib. Dünən axşam saat 22 radələrində şöbədə onun halı pisləşib. Dərhal Siyəzən Regional Diaqnostika və Müalicə Mərkəzinə aparılıb, orada vəfat edib". 

Faktla bağlı Siyəzən rayon prokurorluğunda araşdırma aparılır. 

Qeyd edək ki, T. İsmayılovun narkotik vasitələrin aludəçisi olduğu bildirilir.

Milli.Az

Şərh yaz:

1 Şərh:

  • Anonim
    Vüqar · 3 Avqust 17:5200

    Butün bunların əsas yaranma səbəbi öıkədə.işsizliyin çoxalması,gənclərin və yaxud vətəndaşların işləmək imkanının yox dərəcədə olmasıdır.Hazırda bir çox insanlar qazanc əldə edib dolanmaq məqsədi ilə narkotik vasitələrin satışı ilə məşğul olurlar.Əgər bu gün ölkədə atanın və yaxud ananın övladları ilə birlikdə narkotik vasitə satmaları halları baş verirsə bu xalqın gələcəyin böyük fəlakət içərisində olmasına nümunədir.Narkotik vasitələrin gənclər və sair vətəndaşlar arasında yayılmasının qarşısını almaqdan ötrü onlar işlə təmin edilməlidir.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.