Hadisə

“Allah ona qənim olsun” - Deputat qarğış elədi

9 Aprel 2021 12:09
Baxış: 1 762
VTB-də minimal faiz dərəcəsi ilə nağd kredit 9.9%-dən
#QALMAQAL

Xəbər verdiyimiz kimi, ötən gün millət vəkili Siyavuş Novruzov "Musavat TV"nin efirində sabiq deputat və Klassik Xalq Cəbhəsi Partiyasının sədri Mirmahmud Mirəlioğlu ilə canlı debatda olub. Lakin debat orada müzakirə olunan mövzulardan daha çox S. Novruzovun çıxışı ilə müzakirələrə səbəb olub. Belə ki, onun çıxış zamanı deyəcəyi sözü yaddan çıxarması, sosial şəbəkələrdə səhhətində problemin olması ilə əlaqələndirilib.

Milli.Az xəbər verir ki, bu barədə yeniavaz.com-a açıqlama verən S. Novruzov bildirib ki, səhhətində heç bir problem yoxdur və bu iddiaları yayanlar canlı debat zamanı adını hallandırdığı şəxslərdir:

"İndi mənim çıxışım kimə sərf etmirsə, nə yazırlar, qoy yazsınlar. Allah canlarını sağ eləsin. Səhhətim də cağbacağdır. Allah hamını qorusun. Kim də nə deyirsə, Allah ona qənim olsun. Mənim orada çıxışım kimlərə sərf etmirsə, orada müəyyən adamların adını çəkdim, onlar bu işlə məşğul olurlar, bunu yayırlar. Mənim dediyim şeiri qoyublar yutuba, bunu Bəxtiyar Vahabzadə yazıb, mən yazmamışam".

Millət vəkili debat zamanı sərxoş olması ilə bağlı yayılan iddialara isə belə cavab verdi: "Mən debata Seyidlə (Mirmahmud Mirəlioğlu) getmişdim, mömin adamam. Mən neçə illər dini komitənin (Milli Məclisin İctimai birliklər və dini qurumlar komitəsi) sədri işləmişəm. Çıxış müzakirəyə səbəb olub, deməli yaxşı çıxış olub. Müzakirəyə səbəb olmazsa yaxşı çıxış olmur".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.