Hadisə

“4 gün əvvəl Şəfayət o evdən çıxmaq istəmişdi, mənə şübhəli gəlir...” - Yenilənib - FOTO

9 İyul 2025 10:53

Baxış: 2 654

VTB-də minimal faiz dərəcəsi ilə nağd kredit 9.9%-dən

#BƏDBƏXT HADİSƏ

Xəbər verdiyimiz kimi, ötən gün Ağstafanın Qırılı kəndində 24 yaşlı Şəfayət İsmayılova evin pəncərələrini silərkən yıxılıb və həyatını itirib.

Milli.Az hadisənin təfərrüatını tədim edir:

Mərhumun qohumu Tahir Tanrıquliyevin sözlərinə görə, bu, ailədə 5-ci ölümdür: "Bu evdən son bir ildə 5-ci ölüdür, hamısı da təsadüfən ayın 8-i baş verib. Deyilənə görə, nərdivanı qoyub pəncərələri silirmiş. Nərdivan düşüb üstünə, beyin nahiyəsinə dəyib. İlk hadisə ötən il avqustun 8-i olub. Uşağın 1-2 yaşı olardı. Sonra da qayınana-qayınata rəhmətə getdi, bundan sonra isə daha bir körpə həyatını itirdi, indi də belə..."

Mərhumun əmisi Asif Cəfərov isə bildirib ki, hadisəni öyrənən zaman dərhal ora gedib: "Getdim, dedilər ki, nərdivandan düşüb. Ancaq mən gördüm, nərdivandan yıxılan elə olmur, mənə şübhəli gəldi. Nərdivan böyük deyildi, yerdə qan görmədim. Deyə bilmərəm ki, öldürüblər, ancaq gözümlə gördüyüm budur. Ümumiyyətlə o evə gedib-gəlməyə qoymurdular, uşaq rəhmətə gedəndə qapıdan qovmuşdular. Orada qızların dediyinə görə, Şəfayət 4-5 gün bundan əvvəl gəlmək istəyirmiş. Elə başa düşürəm ki, aralarında mübahisə olub". /Baku TV

--------

09:41

08.07.2025-ci il tarixdə saat 14 radələrində Ağstafa rayonu, Qırılı kəndində faciəvi hadisə baş verib.

Milli.Az xəbər verir ki, 2003-cü il təvəllüdlü İsmayılova Şəfayət Şamil qızı yaşadığı evdə pəncərəni silərkən nərdivandan yıxılaraq almış olduğu xəsarətlərdən ölmüşdür.

Faktla bağlı Ağstafa rayon prokurorluğunda araşdırma aparılır.

Asya
Milli.Az