Hadisə

Qonaq getdiyi evdə yanan 23 yaşlı gəncin vəziyyəti açıqlandı - yenilənib

22 Mart 2025 21:16

Baxış: 2 022

VTB-də minimal faiz dərəcəsi ilə nağd kredit 9.9%-dən

#BƏDBƏXT HADİSƏ

21:16

Qonaq getdiyi evdə qaz sızması nəticəsində baş verən partlayışda yanıq xəsarəti alan şəxsin vəziyyəti açıqlanıb.

Bu barədə Tibbi Ərazi Bölmələrini İdarəetmə Birliyindən (TƏBİB) məlumat verilib.

"Martın 20-də saat 17:20-də 2002-ci il təvəllüdlü bir nəfər (kişi cinsi) yanıq xəsarətləri ilə Şəmkir Rayon Mərkəzi Xəstəxanasının Təcili yardım bölməsinə hospitalizasiya olunub. Bədən səthinin 88-90%-nin II-III dərəcəli termiki alov yanığı şoku diaqnozu təyin olunan şəxsə zəruri tibbi xidmətlər göstərilib.

O, martın 21-də Nərimanov Tibb Mərkəzinin nəzdində fəaliyyət göstərən Yanıq Mərkəzinə təxliyə edilib.

Hazırda müalicəsi Yanıq Mərkəzinin Reanimasiya şöbəsində davam etdirilir. Vəziyyəti ağır qiymətləndirilir", - deyə məlumatda qeyd olunub.

----------
17:02

Şəmkirdə gənc oğlan yanıq xəsarətləri alıb.

Milli.Az-ın məlumatına görə, hadisə rayonun Tatarlı kəndində baş verib. Kənd sakini 2002-ci il təvəllüdlü N.Yusifov, fərdi yaşayış evinin hamam otağında çimərkən hamam otağında kustar üsulla hazırlanmış peçdə ani alışma baş verib. Nəticədə gənc oğlan yanıq xəsarətləri alıb. Xəsarət alan şəxs Şəmkir rayon Mərkəzi Xəstəxanasına yerləşdirilib.

Müayinə zamanı ona sifətin, gövdənin ön səthin, yuxarı və aşağı ətrafların 2-3 dərəcəli termiki yanığı diaqnozu təyin edilib, onun vəziyyəti orta-ağır qiymətləndirilir.

Milli.Az