Hadisə

Yusif Qədimbəylinin oğlunun evindən oğurluq edən qadına AĞIR CƏZA

12 Fevral 2024 20:56
Baxış: 1 259
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Sədərək" ticarət mərkəzinin sahibi Yusif Qədimbəylinin oğlu Orxan Qədimbəylinin evindən 803 min manatlıq oğurluq etməkdə ittiham olunan xadimə Ruzan Cabbarovanın cinayət işi üzrə məhkəmə araşdırması tamamlanıb.

Milli.Az "qafqazinfo"ya istinadən xəbər verir ki, Bakı Ağır Cinayətlər Məhkəməsində keçirilən sonuncu iclasda hökm oxunub.

Hökmə əsasən, R.Cabbarova xüsusilə külli miqdarda ziyan vurmaqla oğurluqda təqsirli bilinərək 11 il müddətinə azadlıqdan məhrum edilib.

Qeyd edək ki, 44 yaşlı R.Cabbarova özünü qismən təqsirli bilir. İddia edir ki, oğurladıqlarının hamısını geri qaytarıb, zərərçəkmiş şəxslər isə qisas almaq məqsədilə dəymiş ziyanın məbləğini şişiriblər. 

Müdafiə tərəfi dəfələrlə zərərçəkmişlərin məhkəməyə çağırılmasını tələb etsə də, məcburi gətirilmə qərarı çıxarılsa da, Qədimbəyli ailəsini məhkəməyə gətirmək mümkün olmayıb. Müdafiə zamanı vəkillər, xanım müttəhim isə son sözündə buna etiraz edib. Məhkəmə zərərçəkmiş şəxslərin ölkədə olmadıqlarına görə məcburi gətirilmə qərarının icra edilmədiyini elan edib.

Milli.Az

Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.