Hadisə

Bakıda avtomobil körpüdən dəmiryolu xəttinə aşaraq yanıb - FOTO

5 Dekabr 2022 07:35

Baxış: 1 050

VTB-də minimal faiz dərəcəsi ilə nağd kredit 9.9%-dən

Bakının Qaradağ rayonunda yol qəzası dəmiryolunda qatarların hərəkətinin dayanmasına səbəb olub.

Milli.Az APA-ya istinadən bildirir ki, hadisə Lökbatan qəsəbəsində baş verib.

Rüstəmov Sahib Ədalət oğlu 99-PN-373 dövlət qeydiyyat nişanlı "Ford" markalı avtomobillə körpüdə hərəkətdə olarkən sükana nəzarəti itirib.

Bundan sonra 26 yaşlı sürücü maşını körpüdən aşırıb.

Nəqliyyat vasitəsi əvvəlcə dəmiryolundakı yüksəkgərginlikli hava xəttinə dəyib.

Daha sonra avtomobil istinad divarına çırpılıb.

Həmin vaxt ərazidə xidmət aparan Qaradağ Rayon Polis İdarəsinin əməkdaşları sürücünü avtomobildən çıxarıb.

Sürücü xilas olunandan sonra avtomobil alovlanmağa başlayıb.

Əraziyə Fövqəladə Hallar Nazirliyinin Dövlət Yanğında Mühafizə Xidmətinin Qaradağ və Binəqədi rayonundan olan üç texnikası və canlı briqadası cəlb edilib.

Yaralı ağır vəziyyətdə Kliniki Tibbi Mərkəzin reanimasiya şöbəsinə yerləşdirilib.

Həkimlərin verdiyi məlumata görə, qəza zamanı xəsarət alan sürücünün vəziyyəti qənaətbəxşdir.

Baş vermiş hadisə ilə əlaqədar Bakı-Qazax-Ağstafa marşurutunda qatarların hərəkəti dayandırılıb.

Hazırda dəmiryolu idarəsinin əməkdaşları təmir-bərpa işlər aparır.

Milli.Az

Məqaləyə dair fotomateriallar:

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ