Xəbər Xətti "İlin laureatı" mükafatına layiq görüldü - VİDEO

Artıq 8-ci ildir ki, Lənkəran Bələdiyyəsi tərəfindən ötən ilin nəticələrinə görə ədəbiyyat, publisistika, incəsənət, mədəniyyət, idman və təhsil sahəsində xidmətlərinə görə fərqlənən şəxslərə "İlin laureatı" mükafatı təqdim edilir. Budəfəki mükafatlardan biri də "Xəbər xətti"nə təqdim olundu.

Milli.Az Cənub TV-yə istinadən xəbər verir ki, tədbiri giriş sözü ilə mükafatın təsisçisi olan Lənkəran Şəhər Bələdiyyəsinin sədri Eldar Hüseynov açaraq qonaqları salamlayıb, builki nominantlardan danışdı. O bildirdi ki, "İlin laureatı" mükafatı aparılan sorğu və monitorinqlər nəticəsində hər ilin sonunda fəaliyyət sahəsində fərqlənən hüquqi və fiziki şəxslərə təqdim olunur.

Daha sonra Humanitar məsələlər komissiyasinin sədri Hafiz Mirzə çıxış edərək laureatların seçilməsi proseduru və 2012-ci ilin nəticələrinə görə təltif ediləcək laureatların hər biri barəsində iştirakçılara geniş məlumat verdi.

Qeyd edək ki, 2012-ci ilin yekunları üzrə Lənkəran Bələdiyyəsinin "İlin laureatı" mükafatı bu dəfə 4 namizədə verildi. Lənkəran təhsilinin idarə edilməsi sahəsində nümunəvi fəaliyyətinə, pedaqoji məharətinə və uğurlu metodiki tövsiyələrinə görə 2012-ci il üçün
təhsil sahəsində "İlin laureatı" mükafatı Lənkəran Təhsil Şöbəsinin müdir müavini Güloğlan Bağırova verildi. Ölkə şöhrətli "Şənlik" dövlət mahnı və rəqs ansamblının bədii rəhbəri və baletmeysteri, tanınmış rəqqas, mədəniyyət xadimi, Lənkəranda milli rəqs məktəbi yaratdığına, milli rəqslərimizi gənclərə sevdirə bildiyinə və ustalıqla tədris etdiyinə görə 2012-ci il üçün mədəniyyət sahəsində "İlin laureatı" mükafatı Natiq Məmmədova verildi.

Azərbaycan Yazıçılar Birliyinin üzvü, tanınmış lənkəranlı şair, uğurlu şeirləri və anadan
olmasının 60 illiyi münasibətilə 2012-ci il üçün ədəbiyyat sahəsində "İlin laureatı" mükafatı Ziyafət Əkbərovatəqdim olundu. Ölkədə və dünyada baş verən ən son ictimai-siyasi hadisələri operativ tamaşaçıya təqdim etdiyiniə görə CTV-nin "Xəbər Xətti" proqramı da bu mükafata layiq görüldü. "İlin laureatı" mükafatı şirkətin Xəbərlər Departamentinin baş redaktoru İsmayıl Cəfərliyə verildi. Tədbirin sonunda "İlin laureatı" mükafatının sahibləri çıxış etdilər.

Milli.Az