Texnologiya

Gecə yatmadan əvvəl telefonda bu funksiyanı düzəldin - Daha yaxşı yatacaqsınız

9 May 2025 00:21

Baxış: 1 969

VTB-də minimal faiz dərəcəsi ilə nağd kredit 9.9%-dən

#TEXNOLOGİYA #İPHONE #APPLE

"Biohacking atası" kimi tanınan Dave Asprey gecə saatlarında daha rahat yatmaq istəyənlərə ekranın rəngini qırmızıya çevirməyi tövsiyə edir. Asprey bu üsulun mavi işığın zərərli təsirlərini azaldaraq yuxunu yaxşılaşdırdığını bildirir.

Milli.Az xəbər verir ki, telefon və digər cihazlardan yayılan mavi işıq, orqanizmin daxili saatı olan sirkadiyalı ritmi pozur və yuxunu gətirən melatonin hormonunun istehsalını zəiflədir. Nəticədə insanlar yuxuya getməkdə çətinlik çəkir, tez-tez oyanır və ümumi yuxu keyfiyyəti aşağı düşür.

Asprey-in tövsiyə etdiyi qırmızı ekran rejimi mavi işığa məruz qalmanı azaldır. Qırmızı işığın dalğa uzunluğu daha böyükdür və göz tərəfindən daha qaranlıq kimi qəbul olunur. Hətta bəzi araşdırmalar qırmızı işığın melatonin istehsalını artıraraq yuxunu dəstəklədiyini göstərir. Məsələn, qırmızı işıq terapiyası tətbiq edilən qadın idmançıların daha rahat yatdığı və melatonin səviyyələrinin yüksəldiyi məlum olub.

"iPhone"da qırmızı ekran necə aktivləşdirilir?

Bu rejimi qurmaq üçün aşağıdakı addımları izləyin:

Parametrlər bölməsinə daxil olun.

Əlçatanlıq> Ekran və Mətn Ölçüsü> Rəng Filtrləri yolunu izləyin.

Rəng Filtrləri seçimini aktiv edin.

"Rəng" filtrini seçin və intensivlik və ton sürgülərini ən sağa çəkin.

Beləliklə, ekran qırmızı rəngə keçəcək və mavi işığın təsirini azaldaraq daha keyfiyyətli yuxuya şərait yaradacaq.

Yatmazdan əvvəl bu kiçik dəyişiklik, böyük fərq yarada bilər.

Fidan
Milli.Az