Texnologiya

"ChatGPT-yə təşəkkür etməyin"

23 Aprel 2025 01:01

Baxış: 2 602

VTB-də minimal faiz dərəcəsi ilə nağd kredit 9.9%-dən

#MARAQLI #TEXNOLOGİYA #CHATGPT

ChatGPT-yə " zəhmət olmasa" demək milyonlarla dollara başa gəlir.

Milli.Az xəbər verir ki, OpenAI-nin baş direktoru Sam Altman ChatGPT kimi süni intellekt modelləri ilə nəzakətli ünsiyyətin şirkətə yüksək xərc yaratdığını bildirib. Altmanın sözlərinə görə, istifadəçilərin "zəhmət olmasa" və "təşəkkür edirəm" kimi ifadələr işlətməsi OpenAI-yə elektrik enerjisi baxımından milyonlarla dollara başa gəlir.

X platformasında (keçmiş Twitter) bir istifadəçinin bu barədə sualına cavab olaraq Altman belə yazıb:

"Onlarla milyonlarla dollar və yaxşı xərclənmiş pul, heç vaxt bilməyəcəksiniz."

Bəzi istifadəçilər nəzakətli dilin süni intellektlə ünsiyyətdə lüzumsuz olduğunu düşünsə də, ekspertlər əksini iddia edirlər.

Microsoft-un WorkLab komandası da qeyd edib ki, istifadəçinin nəzakətli tonu, süni intellekt modelinin cavablarının tonuna birbaşa təsir edir:

"Model nəzakət aşkar etdikdə, onun daha nəzakətlə cavab vermə ehtimalı daha yüksəkdir. Generativ süni intellekt istifadəçi daxiletmələrində peşəkarlığı, aydınlığı və təfərrüat səviyyəsini əks etdirir."

2024-cü ilin sonunda keçirilən bir sorğuya əsasən, ABŞ-da istifadəçilərin 67 faizi chatbotlarla nəzakətli danışdıqlarını bildirib. Onların 55 faizi bunu "doğru olanı etmək" üçün etdiklərini söyləyib. Maraqlısı isə odur ki, 12 faiz istifadəçi süni intellektin gələcəkdə mümkün "üsyan" ssenarisində onları xatırlayacağı ümidi ilə nəzakətli olduqlarını deyib.

Fidan
Milli.Az

Milli.Az - Xəbər Portalı

"ChatGPT-yə təşəkkür etməyin"

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?