COVİD-in daha təhlükəli növü ilə bağlı əhaliyə ŞAD XƏBƏR

COVİD 19-a yoluxub sağalanlar və peyvənd olunanlar üçün virusun yeni ştammına yoluxma riski həmişə var. 

Bunu Milli.Az-a açıqlamasında infeksion xəstəliklər uzmanı Nazxanım Qasımova deyib.

İnfeksionist bildirib ki, koronavirusun yeni ştammı ilk versiyasından ciddi şəkildə fərqlənmir:

"Yoluxma riski hər bir insan üçün eyni dərəcədədir. Çünki yaranmış immunitet davamlı olmur. İstər COVİD-ə yoluxub xəstəliyi keçirmiş şəxs üçün, istərsə də peyvəndlənən şəxsdə. Yəni, təkrar yoluxma mümkündür. Amma həm peyvəndləmə və yaxud da xəstəliyə yoluxmadan sonra yaranmış immunoqlobulinlər bir müddət qoruyuculuğunu saxlayır, yəni insanlar yoluxmurlar. Amma bir müddətdən sonra yoluxma ola bilər. 

Baxmayaraq ki, yoluxma sayı bir ay öncə ilə müqayisədə aşağı düşüb və vaksinasiya proosesinə start verilib, yenə də ölkəmizdə koronavirusun müəyyən bir müddətdən sonra yoxa çıxacağı ilə bağlı proqnozu nə mən, nə də heç kim verə bilməz. Ümid etmək lazımdır ki, aparılan vaksinasiya nəticə verəcək və bir də elə bir ciddi rəqəm sıçrayışı görməyəcəyik. 

Əksər hallarda COVİD-in Britaniya ştammı adlandırılan yeni növü, əslində, ilk dəfə Honk-Konqda tapılıb. Sonra da virusun bu yeni ştammı Britaniyada tapıldı. Əslində, bu ştamm ilk dəfə Britaniyada tapılmayıb, keçən ilin təxminən avqust ayında Honk-Konqda tapılmışdı. Yeni ştamm artıq dünyanın bir çox ölkələrində yayılıb. Və onun elə də ciddi şəkildə birinci versiyadan fərqləndiyini düşünmürəm, aparılan vaksinasiyanın effektiv olacağı qənaətindəyəm. Eyni bir koronavirus ailəsidir. İstənilən halda vaksinasiya ona da təsirini göstərəcək".

Təhməz Əsədov
Milli.Az