Sağlamlıq

Bu xəstəliyi olanların koronavirusdan ÖLÜM RİSKİ BÖYÜKDÜR

8 Mart 2021 20:09
Baxış: 2 002

Diş əti xəstəliyi olanlar COVID-19-u ağır formada keçirir və hətta bu xəstəlik ölümlə də nəticələnə bilir.

Milli.Az AZƏRTAC-a istinadən xəbər verir ki, bu barədə "Journal of Clinical Periodontology"da dərc olunmuş tədqiqatın nəticələrində bildirilir. Məqalədə göstərilir ki, diş əti xəstəliyi ilə COVID-19-a yoluxanların belə bir problemi olmayanlarla müqayisədə xəstəliyinin kəskinləşmə ehtimalı 9 dəfə yüksəkdir.

Periodontit və ya diş əti xəstəliyi, diş itirilməsinə və digər ciddi fəsadlara səbəb olan ağız boşluğunun ağır infeksiya xəstəliyidir. Parodontit və ya parodontoz sistemli iltihablarla müşayiət olunan digər xroniki xəstəliklərə xas risk amilidir. Yaxşı məlumdur ki, bu xəstəliyi olanlar COVID-19-un daha ağır formasına məruz qalırlar.

Tədqiqat nəticəsində məlum olub ki, diş əti xəstəliyi ilə koronavirusa yoluxanların ağciyərlərin süni ventilyasiyası aparatına qoşulma, reanimasiyaya düşmə, ölüm riski və tez-tez ağırlaşmalarla qarşılaşma ehtimalı yüksəkdir.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.