Sağlamlıq

Hovuzda koronavirusa yoluxmaq mümkündürmü?

27 Fevral 2021 16:52

Baxış: 717

VTB-də minimal faiz dərəcəsi ilə nağd kredit 9.9%-dən

Üzgüçülük insan sağlamlığı üçün çox əhəmiyyətli idman növüdür. Azərbaycanda da idmanın bu sahəsinə maraq böyükdür. Hazırda koronovirus pandemiyasına görə ölkəmizdə tətbiq edilən karantin rejiminin qaydalarına uyğun olaraq idman zalları və hovuzların fəaliyyəti dayandırılıb. Bəs görəsən, hovuzda koronavirusa yoluxmaq mümkündürmü?

Milli.Az axşam.az-a istinadən xəbər verir ki, ABŞ Xəstəliklərə Nəzarət və Profilaktika Mərkəzinin yaydığı məlumata görə, hovuzda üzərkən koronavirusa və ya başqa respirator infeksiyaya yoluxmaq haqda heç bir sübut yoxdur. Əgər koronovirus xəstəsi hovuzda asqırarsa, başqalarının yoluxması mümkün deyil. Buna səbəb isə hovuzdakı suyun bir neçə təmizləmə mərhələsindən keçməsi və patogenlərin tez bir zamanda ölməsini təmin etmək üçün xlor və digər maddələrdən istifadə olunmasıdır.

Mütəxəssislərin sözlərinə görə, daim təmizlik prosesi gedən hovuzda cinsi yolla ötürülən infeksiyalara da yoluxmaq mümkün deyil.

Milli.Az