Sağlamlıq

Siqaret tüstüsündə koronavirus təhlükəsi - Mütəxəssis AÇIQLADI

29 May 2020 07:11
Baxış: 1 037

Ailə təbabəti üzrə mütəxəssis professor Dilek Toprak siqaretin nəfəs alınmasından sonra koronavirusun ötürülmə riski olduğunu söyləyib.

Milli.Az xəbər verir ki, mütəxəssis siqaret və tütün asılılığının vacib ictimai sağlamlıq problemi olduğunu və Ümumdünya Səhiyyə Təşkilatının (ÜST) məlumatlarına görə dünyada təxminən 7 milyon insanın tütün istifadəsi səbəbilə öldüyünü bildirib. O, tütünün pandemiya zamanı siqaret çəkənlərə həmişə olduğundan daha çox ziyan vurduğunu deyib:

"5 əsas araşdırmanı əhatə edən "Tütün tətbiq olunan xəstəliklərdə" adlı sistemli araşdırmada siqaret çəkənlərdə COVID-19 səbəbilə ağır simptomların yaranma riski çəkməyənlərə nisbətən 1,45 dəfə, reanimasiyada olanlarda isə 2,4 dəfə artdığı ortaya çıxıb. 1099 nəfərin iştirakı ilə Çində aparılan geniş araşdırmada, 1,3 faizinin siqaret çəkməyi tərgidənlər və 1,8 faizinin isə yüksək aludəçisi olduğu da daxil olmaqla bu xəstələrin 173 nəfərinin ağır vəziyyətdə olduğu bildirilib. Reanimasiyaya yatırılan və ya ölənlərin 25,5 faizinin aktiv siqaret çəkənlər, 7,6 faizinin isə siqareti buraxanlar olduğu müəyyən edilib. Yüngül xəstəlikləri olan insanlarda aktiv siqaret çəkmə nisbəti yalnız bir faizdir. Bununla da siqaret çəkən koronavirus xəstələrinin çəkməyənlərə nisbətən daha ciddi əziyyət çəkdiklərini söyləmək olar".

Dilek Toprak siqaretin ağciyəri qoruyan və nəfəs almağa imkan verən səthi aktivant zülalına və immun hüceyrələrə təsir etdiyini, təsirə məruz qalan toxunulmazlıq elementlərindən biri olan tənəffüs yollarının siliyer epiteliyində dəyişikliklərin olduğunu qeyd edib. Ağciyərlərin uzun müddət siqaret tüstüsünə məruz qalması səbəbindən tutumun azaldığını deyən həkim, onun havadan oksigen ala biləcək qədər sahəyə sahib olmadığını bildirib.

"Bu, onun əsas vəzifəsidir. Bədənin tələb etdiyi oksigeni təmin edə bilmir və ya oksigeni təmin etmək üçün daha çox səy göstərmək gücündə olmur. Normaldan daha az tutarlılığa sahib olur, bu da nəfəs yollarına təsir edir və infeksiyaya zəmin yaradır. Siqaret çəkən COVID-19 xəstələrində ürək və xərçəng kimi xəstəliklər olduqda, bunlarla əlaqəli əlverişsiz hallar daha çox müşahidə olunur". (publika.az)

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.