Ağrıya qarşı təbiətin gücü! - FOTO

Həyatında ən az bir dəfə də olsa oynaqlarında ağrı hiss edən şəxs, bunun adət etdiyi həyat tərzini necə dəyişdirdiyini bilir. Artrit, artroz, onurğanın osteoxondrozu, idman zədələnmələrinin  nəticələri və oynaqətrafı (periartikulyar) toxumaların iltihabı, sizi yuxudan və ən sevdiyiniz  məşğuliyyətlərdən məhrum edə bilər. Oynaqlarda ağrının olması bir çoxları üçün fəaliyyəti məhdudlaşdıran, vərdiş olunan hərəkətləri edərkən diskomfort yaradan faktor halına çevrilir. Çox vaxt ağrı hərəkətdə olarkən, pilləkənləri çıxarkən, əlavə yüklənmə və ya ağırlıq qaldırma zamanı güclənir. Ancaq bir çoxları ağrıların keçəcəyinə inanaraq ilk simptomlara əhəmiyyət vermirlər. Bu isə ağırlaşmalara səbəb ola biləcək böyük bir səhvdir. Həkimlər əmindir: müalicəni təxirə salmasanız problem həll edilə bilər.

Oynaq xəstəliklərinin (artrit və artroz) müalicəsində ümumi profilaktik tədbir qığırdaq toxumasının qidalanmasını pozmadan, zədələnmiş oynaqlara düşən yükün növbələşməsini və onların rahtlanmasını təmin edən hərəki aktivlikdir. Özünüzü daha çox hərəkətdə olmağa məcbur etməyin sadə bir yolu, hərəkətin əlavə kalorilərin yandırılmasına və bununla da arıqlamağa kömək etdiyini xatırlamaqdır. Bildiyiniz kimi, artıq çəki oynaqlara əlavə yük olaraq ciddi zədələnmələr ehtimalını artırır.

Oynaq xəstəliklərinin  qarşısının alınmasında və müalicəsində əzələlərin güclənməsi vacib rol oynayır. Güclü əzələlər, zəif əzələlərdən fərqli olaraq oynaqları və sümükləri daha yaxşı dəstəkləyir.

Sağlam balanslaşdırılmış qidalanma da oynaqların uyğun hərəki aktivliyinə kömək edir: bəzi ədviyyatlar, meyvə və tərəvəzlər təbii iltihabəleyhinə vasitələrdir (məsələn: zəncəfil, rozmarin, şüyüd, kəklikotu, darçın və s. antiseptik və ödeməleyhinə təsir göstərir). Təbii vasitələr hər zaman əlçatandır - sadəcə onlardan istifadə etmək lazımdır. Üstəlik, bu vasitələrin bir çox danılmaz üstünlükləri var. Hər hansı bir bitkinin tərkibi çox müxtəlifdir və onların əsasında olan vasitələr kompleks təsirə malikdir - məsələn, iltihabəleyhinə, ağrıkəsici, ümumi möhkəmləndirici, antioksidant, diuretik və s.. Buna görə dərman bitkiləri əsasında hazırlanan hər hansı preparat orqanizmə kompleks şəkildə təsir edir.

Xoşbəxtlikdən, günümüzdə ənənəvi tibb təcrübəsi sağlamlığa müsbət təsir edən yeni keyfiyyətli vasitələrin hazırlanmasında səmərəli şəkildə istifadə olunur. Oynaq xəstəliklərinin müalicəsində tablet və inyeksiya formasında preparatlarla yanaşı, tərkibində aktiv maddələr olan müalicəvi gellər, məlhəmlər və kremlər də istifadə olunur. Rahat istifadə qaydası və əlavə təsirlərin olmaması bu qrup prepartların üstünlükləridir. Buna baxmayaraq, oynaqların müalicəsi üçün hər hansı təbii vasitənin, həkimlə məsləhətləşdikdən və dəqiq diaqnoz qoyulduqdan sonra tətbiq edilməli olduğunu bilmək vacibdir.

Materialda əks olunmuş məlumatlar müxtəlif qaynaqlardan, o cümlədən elmi-populyar məqalələr, internet materialları, rəsmi hesabatlar və s. əldə olunmuş, ümumiləşdirilmiş, tərcümə edilmiş və sistemləşdirilmişdir. 

Materiallardan istifadə olunduqda www.aptekonline.az saytına istinad olunma mütləqdir.

Oxuduğunuz məqalənin əsas mövzusu olan xəstəliyə qarşı, eləcə də digər xəstəliklərə qarşı effektiv və güclü mübarizə aparmaq üçün keyfiyyətli, təbii dərman vasitələri, kosmetoloji vasitələr, gigiyena və təmizlik vasitələri, uşaq qidaları və tibbi ləvazimatlar üçün 24 saat operativ xidmət   göstərən *7700 - təcili dərman çatdırılma xidmətinə müraciət edə bilərsiniz.

Sifariş üçün
+99455 254 77 00 (Whatsapp)
+99455 251 77 00 (Whatsapp) nömrəsinə yaza və ya *7700 nömrəsinə zəng edə bilərsiniz.
Çatdırılma ÖDƏNİŞSİZDİR.