Sağlamlıq

Asan yuxuya getməyin 7 qaydası

10 Oktyabr 2019 20:34
1 Şərh     Baxış: 1 809
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Keyfiyyətli yuxu müxtəlif həyat fəaliyyətlərini gerçəkləşdirmək, bütün orqanların sağlam işləməsi üçün önəmlidir. Bəs, asan yuxuya getmək üçün nə etmək lazımdır?

Milli.Az axşam.az-a istinadən asan və tez yuxuya getməyin 7 qaydasını təqdim edir:

1. Eyni saatda yatıb, eyni saatda qalxmağı davamlı hala gətirmək lazımdır. Həftəsonu çox yatmaq istəsəniz, pozduğunuz yuxu rejimi yeni həftədə əks reaksiyalar verəcək.

2. Axşamlar ağır yeməklər yeməməli, qazlı içkilərdən qaçmalısınız. Yatmadan 2-3 saat öncə yemək yeməməli, qəlyanaltı etməkdən əl çəkmək lazımdır. Tamamilə ac yatmamaq da önəmlidir. Bu zaman yuxuya getmək çətinləşir.

3. Yataq otağınızda istifadə etdiyiniz dekorasiya və rənglər də çox önəmlidir. Yatmazdan əvvəl oatğı havalandırmaq, içərinin qaranlıq və səssiz olmağından əminlik sezməlisiniz.

4. Axşamlar və gecə saatlarında qəhvə və kafein tərkibli digər içkilərdən uzaq gəzin. Kafein sizə enerji verib, yuxunuzu qaçıracaq.

5. Yatmazdan öncə duş almaq da faydalıdır. İlıq bir duş almaq, həm zehninizi, həm də bədəninizi təmizləyəcək. Sinir sisteminizi yumşaldacağı üçün yuxuya getməyiniz də çox asan olacaq.

6. Maqnezium tərkibli məhsullardan yetərli dərəcədə yararlanmağınız mütləqdir. Xüsusilə, balıq, yaşıl yarpaqlı tərəvəzlər və fındıqda olan maqnezium xoşbəxtlik hormonunu artırır.

7. Yuxudan öncə tez-tez nəfəs alıb-vermək, beyninizi boşaltmaq yuxuya getməyinizə müsbət təsir edəcək. Zəif səsdə musiqiyə qulaq asmaq və kitab oxumaq kimi seçimləriniz də var.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.