"Marlboro" siqareti necə cinsiyyət dəyişdirdi? - FOTO

1920-ci ilə qədər qadınlara siqaret satmaq, uşaqlara satmaq qədər qanunsuz hərəkət sayılırdı. 20-ci illərdə baş verən dəyişikliklərə baxmayaraq, qadınlara siqaret satmaq yenə də asan deyildi. Məhz bu məqamda da Filip Morris şirkəti yeni bir ada ehtiyac olduğunu düşünür. Həmin illərdə ən çox müzakirə olunan adam Marlborough qrafı ilə əlaqəsi olduğunu düşünülən Vinston Çörçil idi. "Marlborough" adını bəyənən Filip Morris şirkətinin sahibləri son üç hərfi silərək, daha sadə və yaddaqalan "Marlboro" adını yeni siqaret markasına verdilər. 

Milli.Az pahoo.az-a istinadən bildirir ki, 1924-cü ildə satışa çıxan "Marlboro" qadınlar üçün hazırlanan ilk siqaret hesab olunur. Bu siqaretin ilk reklamları da qadınlara xitab edirdi. Digər siqaretlərdə olmayan filterin, qırmızı bandla örtülməsi də qadınlar üçün xüsusi olaraq pomada izini gizlətmək üçün hazırlanmışdı. Reklamlarda isə "May ayı qədər yumşaq" sloqanı istifadə olunurdu.

Ancaq satışlar istənilən kimi getmir və "Marlboro" bazarda 1%-lik yer belə tuta bilmir. 1950-ci ildə ağ ciyər xərcəngi xəstəliyi ilə siqaret arasında əlaqəni göstərən elmi araşdırmaların ortaya çıxması isə, ümumiyyətlə, siqaretə olan marağı azaltmışdı. Bundan ən çox zərər görən isə filtersiz siqaretlər olmuşdu. İnsanlar filterli siqaretlərin sağlamlığa daha az zərər verdiyini düşünsələr də, həmin siqaretlər qadınlara xitabən satılırdı.

İlk dövrdə siqaret şirkətləri tamamən filterli siqaretlərə keçmək istəmirdi, bu həm də siqaretin zərərli olduğunu etiraf etmək mənasına gəlirdi. Ancaq yavaş-yavaş filterli siqaretin onlara maddi olaraq xeyir (filterin uzunluğu qədər tütün daha baha başa gəlirdi) gətirəcəklərinə də inanaraq, köklü dəyişikliyə getməyə razı olmuşdular.

Fillip Morris "Marlboro"ya yeni müştərilər qazandırması üçün reklam mütəxəssisi Leo Burnett ilə işləmək qərarına gəlmişdi. Burnett "Marlboro"nun daha maskular görüntü almalı olduğunu düşünürdü.

Burnett siqaret markasının reklam üzü olaraq, Amerika cəmiyyətində cəsur, sərt və güclü kişi fiquru olaraq qəbul olunan "kovboy"u seçdi. Hər kəs əlində Marlboro olan kovboyu sevmişdi və bu seçim reklam tarixində iz qoyacaq qədər uğurlu olmuşdu. Sadəcə, bir il ərzində "Marlboro" marjinal siqaretdən ən çox satılan 4-cü markaya çevrilmişdi.

Milli.Az