Pesketaryen qidalanma nədir? Faydaları nələrdir?

Pesketaryen qidalanma qırmızı ət və quş ətinin istifadə olunmadığı, balıq və bitki mənşəli qidaların əsas götürüldüyü bir qidalanma modelidir. Zülal ehtiyacı böyük ölçüdə dəniz məhsulları və bitki mənşəli qaynaqlardan qarşılanır. Düzgün planlaşdırıldıqda sağlam və davamlı bir pəhriz yanaşması olaraq qəbul edilir. Bu qidalanma tərzində tərəvəz, meyvə, tam taxıllar və sağlam yağlar mühüm yer tutur. Balıq istehlakı sayəsində qida müxtəlifliyi qorunur. Nizamlı tətbiq edildikdə uzun müddətdə metabolik sağlamlığı dəstəkləyə bilər. Lakin şəxslərin sağlamlıq durumlarını mütəmadi olaraq izləmələri vacibdir.

Milli.Az xəbər verir ki, esketaryen qidalanma heyvan mənşəli zülal qaynağı olaraq yalnız balıq və digər dəniz məhsullarının istehlakına icazə verən bir pəhriz modelidir. Çox vaxt "balıq pəhrizi" kimi də adlandırılır. Qidalanma planı bitki mənşəli qidalarla balanslaşdırılır. Bu yanaşma, ət istehlakını azaltmaq istəyən şəxslər üçün bir alternativdir.

Bu pəhriz bitki mənşəli qidaların üstünlük təşkil etdiyi bir quruluşa əsaslanır və zülal ehtiyacı dəniz məhsullarından qarşılanır. Gündəlik menyuda tərəvəz, meyvə, taxıl, paxlalılar və sağlam yağ qaynaqları ön plandadır.

İcazə verilən qidalar: Balıq (somon, sardinya, skumbriya kimi omeqa-3 ilə zəngin növlər), qabıqlı dəniz məhsulları, tərəvəzlər, meyvələr, quru paxlalılar, qoz-fındıq və toxumlar. Süd və yumurta istifadəsi şəxsi seçimlərə bağlıdır.

Qadağan olunan qidalar: Qırmızı ət, quş əti, kolbasa, sosiska, salam kimi emal olunmuş ət məhsulları.

Balıq istehlakı sayəsində omeqa-3 yağ turşularının qəbulu artır. Bu sağlam yağlar ürək və damar sağlamlığını dəstəkləyir.

Ürək sağlamlığını dəstəkləmək.

İltihab riskini azaltmaq.

Beyin funksiyalarını qorumaq.

Çəkiyə nəzarəti asanlaşdırmaq.

Pesketaryen qidalanma və vegetarianlıq arasındakı fərq nədir?
Pesketaryen qidalanmada balıq və dəniz məhsulları sərbəst olduğu halda, vegetarianlıqda balıq da daxil olmaqla bütün növ heyvan ətləri qadağandır. İki yanaşma arasındakı əsas fərq heyvan mənşəli zülal çeşidliliyidir.

Düzgün planlaşdırılmadıqda bəzi qida çatışmazlıqları yarana bilər:

Civə toplanması riski: Böyük və uzun ömürlü balıq növlərinin həddindən artıq istehlakı.

B12 vitamini və zülal çatışmazlığı riski: Düzgün qidalanma planı olmadıqda baş verə bilər.

Dəmir çatışmazlığı: Qırmızı ətin olmaması səbəbindən bitki mənşəli dəmir qaynaqlarına diqqət edilməlidir.

Hər gün balıq yemək civə zəhərlənməsinə yol açarmı? Həddindən artıq və nəzarətsiz balıq istehlakı risklidir. Kiçik və civə miqdarı az olan balıqlara üstünlük vermək daha təhlükəsizdir.

Düzgün planlaşdırıldıqda və mütəxəssis nəzarətində olduqda, az civəli balıqlar seçilməklə təhlükəsiz hesab edilir.

Suşi yemək uyğundurmu? Bəli, balıq və dəniz məhsulları tərkibli suşilər bu pəhrizə uyğundur (təzəlik və gigiyena şərtləri ilə).

Dəri üçün faydalıdır? Bəli, omeqa-3 və antioksidantlarla zəngin olduğu üçün dərinin qorunmasına və hüceyrə sağlamlığına kömək edir.

İstənilən pəhriz dəyişikliyindən əvvəl həkim və ya dietoloqla məsləhətləşmək tövsiyə olunur.

Müəllif: Ülkər Vəliyeva (Milli.Az redaktor)