Sağlamlıq

Keçmişdə saqqızı görün necə istifadə edirlərmiş...

28 Aprel 2026 01:01
Baxış: 1 542
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #XƏSTƏLİK

Bu gün saqqız adi və zərərsiz vərdiş kimi qəbul olunsa da, onun tarixi minilliklər əvvələ gedib çıxır. İnsanlar hələ qədim dövrlərdə müxtəlif bitki qatranlarını çeynəyərək həm ağızlarını təmizləməyə, həm də nəfəsi təravətləndirməyə çalışırdılar.

Milli.Az xəbər verir ki, qədim yunanlar mastika ağacının qatranını, Şimali Amerikanın yerli xalqları isə ladin ağacının şirəsini çeynəyirdi.

Müasir saqqızın formalaşması isə XIX əsrə təsadüf edir. Sənaye üsulu ilə ilk saqqız istehsalı ABŞ-da başlayıb və qısa müddətdə geniş yayılıb. Əvvəlcə sadə qatran əsaslı olan bu məhsul zamanla şəkər, dadlandırıcı və müxtəlif aromalarla zənginləşdirildi.

XX əsrdə, xüsusilə müharibə dövrlərində saqqızın istifadəsi daha da artdı. Hərbçilərə paylanan saqqız onların stressini azaltmaq, diqqətini toplamaq və çətin şəraitdə psixoloji sabitliyini qorumaq üçün istifadə olunurdu. Çeynəmə prosesi beyin fəaliyyətini aktivləşdirir, reaksiya sürətini artırır və stress hormonunun - kortizolun azalmasına kömək edirdi. Bu səbəbdən saqqız hərbi rasionun bir hissəsinə çevrilmişdi.

Zaman keçdikcə saqqız hərbi sahədən çıxaraq gündəlik həyatın ayrılmaz bir parçasına çevrildi. Artıq o, əsasən ağız gigiyenası, nəfəsin təravətləndirilməsi və bəzən də vərdiş olaraq istifadə olunur. Bununla belə, onun insan orqanizminə təsiri və psixoloji effektləri əsrlər əvvəl olduğu kimi bu gün də aktual olaraq qalır.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.