Sağlamlıq

Döş qəfəsində ağrı, nəfəs darlığı, ürəkdöyünmə simptonu olanlara ciddi XƏBƏRDARLIQ

16 Aprel 2026 02:02

Baxış: 1 200

VTB-də minimal faiz dərəcəsi ilə nağd kredit 9.9%-dən

#XƏSTƏLİK #AĞRI

Ürək və damar xəstəlikləri ən çox ölümə səbəb olan xəstəliklər sırasında birinci yerdədir.

Milli.Az xəbər verir ki, ürək xəstəliklərindən danışan türkiyəli həkim Mehmet Ertürk bildirib ki, döş qəfəsinin ortasında hiss olunan, çənəyə və qollara yayılan ağrılar ciddi siqnal hesab olunmalıdır.

Onun sözlərinə görə, koronar arteriya xəstəliyi, o cümlədən miokard infarktı kişilərdə daha çox müşahidə olunur.

Həkim vurğulayıb ki, ürək-damar xəstəlikləri yalnız infarktla məhdudlaşmır. Bu qrupa həmçinin ürək qapaq xəstəlikləri, ritm pozğunluqları, ürək çatışmazlığı və anadangəlmə ürək problemləri də daxildir.

Əsas simptomlar arasında döş qəfəsində ağrı, nəfəs darlığı, ürəkdöyünmə, başgicəllənmə və bədəndə şişkinlik göstərilir. Bəzi hallarda isə xəstəlik halsızlıq, bel ağrısı və ya gəyirmə kimi qeyri-adi əlamətlərlə də özünü göstərə bilər. Ağrı 1-5 dəqiqə ərzində keçməzsə, dərhal tibbi yardıma müraciət olunmalıdır.

Diaqnostika üçün fiziki müayinə, qan analizləri, EKQ, exokardioqrafiya, Holter monitorinqi, MRT və angioqrafiya kimi üsullardan istifadə olunur.

Həkimlər ürək-damar xəstəliklərindən qorunmaq üçün siqaretdən uzaq durmağı, sağlam qidalanmağı, müntəzəm hərəkət etməyi, çəkiyə nəzarət etməyi və stressdən uzaq qalmağı tövsiyə edir.

Mina Mikayılova
Milli.Az