Sağlamlıq

Virusların yayılması artır - Həkim xəbərdarlıq etdi

3 Aprel 2026 13:42

Baxış: 904

VTB-də minimal faiz dərəcəsi ilə nağd kredit 9.9%-dən

#XƏSTƏLİK #QRİP

Hava temperaturunun kəskin dəyişdiyi bu dövrlərdə immun sistemi zəifləyən insanlarda virusların yayılması sürətlənir. Qapalı məkanlarda daha çox vaxt keçirilməsi və kifayət qədər havalandırmanın olmaması isə bu xəstəliklərin yayılmasını daha da artırır.

Milli.Az xəbər verir ki, türkiyəli həkim Mehmet Tatlı bildirib ki, əsas risk qrupları yaşlılar, immun sistemi zəif olanlar və xroniki xəstəliklərdən əziyyət çəkən şəxslərdir.

Həkim bu qrup insanlara xüsusilə qripə qarşı peyvənd olunmağı tövsiyə edib. Bildirib ki, vaxtında vurulan peyvənd xəstəliyin daha yüngül keçməsinə və sətəlcəm kimi ağırlaşmaların qarşısını almağa kömək edir.

M.Tatlı nəzərə çatdırıb ki, D vitamini, sink və B12 kimi vacib elementlərin çatışmazlığı aradan qaldırıldıqda immun sistem daha güclü olur və xəstəlik daha asan keçir.

Eyni zamanda vurğulanıb ki, ilkin olaraq ailə həkiminə və ya terapevtə müraciət olunması tövsiyə edilir.

Həkimlər cəmiyyətdə formalaşan "sistem və ya iynə olmadan sağalmaq mümkün deyil" kimi yanlış fikirlərin də təhlükəli olduğunu qeyd edirlər.

Mina Mikayılova
Milli.Az