Sağlamlıq

Doğuşdan sonra qadının bədəni çürüməyə başladı - FOTO

18 Oktyabr 2025 12:05

Baxış: 1 322

VTB-də minimal faiz dərəcəsi ilə nağd kredit 9.9%-dən

#DÜNYADA #CƏMİYYƏT #SAĞLAMLIQ #AVSTRALİYA #HAMİLƏLİK #QADIN #XƏSTƏLİK

Avstraliyanın Melburn şəhərində 38 yaşlı qadın çox nadir və təhlükəli tibbi vəziyyətlə üzləşib.

Milli.Az xəbər verir ki, doğuşdan sonra onun döşündə nekrotik erizipel adlı ağır infeksiya yaranıb və bu, toxumaların qaralaraq çürüməsinə səbəb olub.

Qadın vaxtından əvvəl, 22-ci həftədə doğuş edib. Təxminən 15 gün sonra o, döşündə qara ləkə və ümumi halsızlıq hiss edib və dərhal xəstəxanaya müraciət edib. Müayinə zamanı həkimlər ona antibiotik müalicəsi təyin ediblər, lakin iki gün keçəndən sonra vəziyyəti daha da pisləşib.

Həkimlər nekrotizəedici fassit adlı sürətlə yayılan bakterial infeksiyadan şübhələniblər. Bu infeksiya dəri və birləşdirici toxumaları dağıdaraq bəzən ölümcül nəticə verir.

İki həftə sonra qadında quru nekroz, yəni qan dövranının pozulması səbəbindən toxumaların ölməsi müşahidə olunub. O, bir neçə dəfə əməliyyat olunub, əvvəlcə çürümüş hissələr çıxarılıb, daha sonra isə dəri köçürülməsi əməliyyatı həyata keçirilib.

Bir ay sonra qadının yarası tam sağalıb, o, tam bərpa olunub və hazırda heç bir sağlamlıq problemi yoxdur. Həkimlər bildiriblər ki, belə hallar doğuşdan sonrakı dövrdə çox nadir baş verir və bu hadisə artıq elmi jurnal məqaləsinə çevrilib.

İsmayıl
Milli.Az