Sağlamlıq

3-3-3 üsulu ilə insomnia olub-olmadığınızı test edin

2 Dekabr 2025 22:11
Baxış: 1 852
VTB-də minimal faiz dərəcəsi ilə nağd kredit 9.9%-dən
#CƏMİYYƏT #SAĞLAMLIQ

Anestezioloq Sanni Nayi yuxusuzluğu vaxtında müəyyən etmək üçün sadə və təsirli üç üç üç metodunu təklif edib.

Milli.Az xəbər verir ki, onun fikirləri "RuffPost" nəşri tərəfindən dərc olunub.

Nayinin izahına görə əgər insan həftədə ən azı üç gecə normal yata bilmirsə və bu hal üç ay davam edirsə, həmçinin gündəlik həyatın ən azı üç sahəsinə təsir göstərirsə, bu vəziyyət artıq sadə yorğunluq və ya rejim pozuntusu deyil. Bu halda həkimlər bunun yuxusuzluq olduğunu düşünür. Gündəlik təsirlərə yorğunluq, diqqətin zəifləməsi və əhval dəyişkənliyi kimi hallar daxildir.

Həkim yuxusuzluğun əsas səbəbləri kimi stressi, spirtli içki istifadəsini və yataq otağında rahat olmayan şəraiti göstərib. Problemin qarşısını almaq üçün o, müntəzəm fiziki fəaliyyətə vaxt ayırmağı, yataq otağının sərin və qaranlıq olmasına diqqət yetirməyi, sakit mühit yaratmağı və gündəlik rejimi qorumağı məsləhət görüb. Rahat yataq dəsti seçmək də vacib sayılır.

Nayi bildirib ki, yuxusuzluq yalnız yatmamaq deyil. Bəzən insan gecə yata bilər, lakin qaydaların pozulması səbəbindən əhvali zəifləyər, diqqəti azalır və iş qabiliyyəti aşağı düşür. Onun sözlərinə görə, ən çox yayılan yanlış fikir ondan ibarətdir ki, yuxusuzluq yalnız heç yatmamaq deməkdir.

Qeyd edək ki, insomniya insanın normal yatmaqda çətinlik çəkməsi halıdır. Bu vəziyyətdə insan ya yatmağa çətinlik çəkir, ya gecənin ortasında tez tez oyanır, ya da səhər çox tez oyanıb yenidən yata bilmir. Hətta yatsa belə, yuxu dərin olmur və insan özünü istirahət etmiş hiss etmir.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.